غزه ۾ امدادي مشن ’گلوبل اسٽيبلٽي فلوٽلا‘ جي ڪارڪنن جي اسرائيل طرفان گرفتاري تي سخت ردعمل ظاهر ڪندي پولينڊ اسرائيلي گورنر کي طلب ڪري ورتو آهي.
پولينڊ جي پرڏيهي وزير ريڊسلا سيڪورسڪي سوشل ميڊيا پليٽ فارم ايڪس تي بيان جاري ڪندي چيو آهي ته پولينڊ اسرائيلي چارج ڊي افيئر کي طلب ڪري احتجاج رڪارڊ ڪرايو آهي.
هن مطالبو ڪيو ته گرفتار ڪيل پولش شهرين کي فوري طور تي آزاد ڪري عالمي قانونن ۽ انساني حقن موجب انصاف ڪيو وڃي.
رپورٽن مطابق غزه لاءِ امدادي سامان کڻي ويندڙ ’گلوبل سمود فلوٽلا‘ ۾ ٻه پولش شهري به شامل هئا، جن کي اسرائيلي فورسز ٻين ڪارڪنن سان گڏ حراست ۾ ورتو.
واضح رهي ته اسرائيلي فورسز هن هفتي غزه ڏانهن ويندڙ امدادي قافلي کي بين الاقوامي پاڻي ۾ روڪيو ۽ ڪيترن ئي ٻيڙين جو ڪنٽرول سنڀالي ورتو. امدادي تنظيمن اسرائيلي ڪارروائي کي عالمي قانونن جي ڀڃڪڙي قرار ڏنو آهي.
ان واقعي کانپوءِ ڪيترن ئي ملڪن اسرائيل جي ڪارروائي تي ڳڻتي جو اظهار ڪيو آهي، جڏهن ته انساني حقن جي مختلف تنظيمن به ڪارڪنن کي فوري طور آزاد ڪرڻ جو مطالبو ڪيو آهي.
