فيفا ورلڊ ڪپ: گھانا جي ڪمزور مخالف خلاف انگلينڊ جي خراب ڪارڪردگي، ‘ڪارو جادو’ جو اثر آهي؟

فيفا ورلڊ ڪپ ۾ گروپ ايل جي اهم ميچ ۾ نسبتاً ڪمزور مخالف گھانا خلاف انگلينڊ جي ناقص ڪارڪردگي کي ”ڪارو جادو“ جو اثر قرار ڏنو ويو.

انگلينڊ خلاف ميچ ۾ گھانا جي ٽيم ڪو به گول نه ڪري سگهي پر حيرت انگيز طور تي پنهنجي پهرين ميچ ۾ چار گول ڪرڻ واري انگلش ٽيم به بي وس نظر آئي.

انگلينڊ جي ٽيم جي ريٺار سمجهي ويندڙ هيري ڪين جي ناقص ڪارڪردگي به مداحن کي حيران ڪري ڇڏيو، جيڪو گذريل ميچ ۾ ٻه گول ڪري بهترين فارم ۾ موجود هو.

ميچ کانپوءِ اسٽيڊيم ۾ پراسرار حرڪتون ڪندي ’جو جو ماسٽر‘ جي وڊيو هڪ ڀيرو ٻيهر سوشل ميڊيا تي وائرل ٿي وئي.

انگلش مداح به ميدان ۾ نظر آيا ته ”جو جو“ اسان تي ڪارو جادو ڪري ڇڏيو آهي.

ايترو ئي نه پر پاڻ کي گھانا جو سڀ کان وڏو جادوگر سڏائيندڙ نانا ڪواڪو دعويٰ ڪئي ته هن انگلينڊ جي هيري ڪين کي اسڪور ڪرڻ کان روڪڻ لاءِ جادو ڪيو هو.

ميچ جي ڪجهه دير بعد نانا ڪوڪو جي هڪ ٻي وڊيو وائرل ٿي وئي جنهن ۾ هو دعويٰ ڪندي نظر اچي رهيو آهي ته هن هاڻ هيري ڪين کي آزاد ڪري ڇڏيو آهي ته جيئن هو انگلينڊ جي ايندڙ ميچن ۾ گول ڪري سگهي.

ڇا توھان ان کي اتفاق چئو گھانا جي قسمت يا واقعي ڪارو جادو، اھو توھان تي منحصر آھي، پر ياد رھي ته گھانا پنھنجي پھرين ميچ ۾ پناما کي 0-1 تان شڪست ڏئي انجري ٽائيم کان ھڪ منٽ اڳ گول ڪيو.

ميچ کانپوءِ سوشل ميڊيا تي وائرل ٿيندڙ وڊيو ۾ ’جو جو ماسٽر‘ کي پنهنجي هٿ تي اڇو پائوڊر اُڇلائي ميدان ڏانهن اڇلائيندي ڏٺو ويو، جنهن بابت دعويٰ ڪئي وئي ته گول ٿيڻ کان ڪجهه لمحا اڳ ٿيو هو.