لاس اينجلس:
آمريڪي رياست ڪيليفورنيا جي علائقي سائوٿ گيٽ ۾ صنعتي زون ۾ اوچتو وڏي باهه لڳي وئي، جنهن فوري طور تي هڪ وڏي ڪمرشل يونٽ کي پنهنجي لپيٽ ۾ آڻي ڇڏيو.
مقامي ذريعن موجب واقعو انڊسٽريل ايونيو تي واقع هڪ ڪمرشل عمارت ۾ پيش آيو، جنهن جي ويڪر 75 فوٽ ويڪرائي 75 فوٽ ٻڌائي پئي وڃي. باهه ايتري تيزيءَ سان پکڙجي وئي جو فائر برگيڊ کي فوري طور تي ٻيو الرٽ جاري ڪرڻو پيو.
باهه جا شعلا ۽ ڳاڙها دونهون پري کان نظر اچي رهيا هئا جڏهن ته فائر برگيڊ عملو وڏي انگ ۾ باهه تي ضابطو آڻڻ لاءِ موقعي تي پهچي ويو.
متاثر عمارت جي چوڌاري ٻيا ڪاروباري مرڪز ۽ رهائشي علائقا به آهن، جنهن ڪري صورتحال وڌيڪ حساس بڻيل آهي.
شروعاتي اطلاعن موجب سرڪاري طور تي اڃان تائين ڪنهن به جاني نقصان جي تصديق نه ٿي آهي پر امدادي ڪارروايون جاري آهن ۽ علائقي کي محفوظ بڻائڻ لاءِ ريسڪيو اهلڪار سرگرم آهن.
اختيارين جو چوڻ آهي ته باهه لڳڻ جو اصل سبب اڃا تائين معلوم ناهي ٿي سگهيو، جڏهن ته واقعي جي مڪمل جاچ شروع ڪئي وئي آهي.
اهو به واضح ناهي ته ويجهي عمارتن کي نقصان پهتو آهي يا نه، پر صورتحال جي مسلسل نگراني ڪئي پئي وڃي.
