ڪراچي:
ڪراچي (اسٽاف رپورٽر) شهر قائد جي علائقي لياري ڪلري ۾ نينگري سان زيادتي جي ڪوشش کانپوءِ علائقو جنگ جو ميدان بڻجي ويو، شهرين پاران جوابدار کي پڪڙي تشدد ڪري باهه ڏئي ساڙي ڇڏيو.
علائقي واسين جو چوڻ آهي ته واقعي کان پوءِ فوري طور تي ماڻهن جو وڏو انگ گڏ ٿي ويو ۽ جوابدار فرار ٿيڻ کان اڳ ئي کيس قابو ڪري ورتو.
مظاهرين پاران سخت ڪاوڙ جو اظهار ڪيو ويو، جڏهن ته ڪجهه ماڻهن جوابدارن کي جيئرو ساڙڻ جي به ڪوشش ڪئي.
واقعي جو اطلاع ملندي ئي پوليس ۽ رينجرز جي وڏي نفري واقعي واري هنڌ پهچي وئي ۽ وڏي مشڪل سان جوابدارن کي گرفتار ڪري صورتحال تي ضابطو آندو.
پوليس اختيارين جو چوڻ آهي ته واقعي جي مختلف رخن کان جاچ ڪئي پئي وڃي جڏهن ته مقتول ڇوڪري ۽ سندس گهرڀاتين کان به ڄاڻ ورتي پئي وڃي.
