ارجنٽائن جي ليجنڊ فٽبالر ليونل ميسي اسپينش ڪلب يو اي ڪرنيلا کي خريد ڪري فٽبال جي دنيا ۾ هڪ نئين ترقي ڪئي آهي.
ڪلب باضابطه طور تي اعلان ڪيو ته اٺ ڀيرا بالن ڊي اور فاتح ميسي ڪلب جي مالڪي ورتي آهي، جيڪا هن وقت اسپيني فٽبال جي پنجين درجي ۾ آهي.
38 سالن جو ميسي هن وقت آمريڪي ڪلب انٽر ميامي جي نمائندگي ڪري رهيو آهي.
هن پنهنجي ڪيريئر جو وڏو حصو اسپينش ڪلب بارسلونا سان گذاريو، جتي هن چار چيمپيئن ليگ ۽ 10 لا ليگا ٽائيٽل کٽيا جڏهن ته 778 ميچن ۾ 672 گول ڪري ڪلب جو ٽاپ اسڪورر بڻجي ويو.
ڪلب انتظاميا موجب ميسي جي اچڻ سان ڪيٽالونيا سان سندن مضبوط لاڳاپن ۽ مقامي رانديگرن کي هٿي وٺرائڻ جي عزم جو اظهار آهي.
ڪرنيلا جي اسٽيڊيم ۾ تقريبن 1500 مداحن جي گنجائش آهي ۽ ڪيترائي مشهور رانديگر پيدا ڪيا آهن.
ميسي جي ان قدم کي ڪلب جي ترقي لاءِ هڪ نئين دور جي شروعات قرار ڏنو پيو وڃي، هڪ ڊگهي مدي واري منصوبي جو مقصد راند ۽ انتظام کي مستحڪم ڪرڻ ۽ نوجوان رانديگرن ۾ سيڙپڪاري ڪرڻ آهي.
