’مسجد ۾ سڀني سان هڪ جهڙو سلوڪ ڪيو ويندو‘، ٿلهاپتي وجي جي ساٿي اسٽار اسلام قبول ڪري ورتو

اسلام قبول ڪرڻ جي پنهنجي فيصلي تي ڳالهائيندي ڀارتي تامل فلم انڊسٽري جي مشهور اداڪار جيئي چيو آهي ته مسجد ۾ وڃڻ کانپوءِ کيس پهريون ڀيرو حقيقي معنيٰ ۾ احساس ٿيو ته اتي سڀ انسان برابر آهن. تازو ئي هڪ انٽرويو ۾ ڳالهائيندي اداڪار جيئي چيو ته هن 2019ع ۾ باضابطه طور تي اسلام قبول ڪرڻ جي تصديق ڪئي هئي پر روحاني طور تي هن 2011ع کان ان طرف مائل ٿيڻ شروع ڪيو هو، سندس چوڻ هو ته اهو فيصلو ڪنهن لمحي جو نه پر ذاتي تجربن ۽ اندروني سڪون جي ڳولا جو نتيجو هو. اداڪار چيو ته شروعات ۾ هن مختلف مذهبي تجربن مان گذريو، جنهن ۾ سبري مالا لاء مالا پائڻ ۽ پوء هڪ عرصي تائين عيسائيت ڏانهن رخ ڪيو. هن چيو ته بعد ۾ مندرن جي ڪجهه روين ۽ حالتن کيس مايوس ڪيو، جنهن سندس اندر ۾ سوالن کي وڌيڪ تيز ڪيو. انسٽاگرام تي هي پوسٽ ڏسو جيئي مسجد جو پنهنجو پهريون تجربو ياد ڪندي چيو ته هو هڪ عام نمازي وانگر قطار ۾ بيٺو ۽ نماز پڙهي رهيو آهي. سندس چوڻ هو ته ماڻهن کي خبر هئي ته هو هڪ اداڪار آهي، پر مسجد اندر ڪنهن به ساڻس ڳالهايو نه ته کيس ڪنهن به توجه نه ڏني، جڏهن ٻاهر نڪتا ته ماڻهو ساڻس ڏاڍي شائستگي سان مليا ۽ تصويرون ڪڍڻ جي به ڪوشش نه ڪئي. هن چيو ته ان تجربي هن کي اهو پختو احساس ڏياريو ته مسجد ۾ سڀ برابر آهن ۽ اهو احساس هن جي دل تي گهرو اثر ڇڏي ويو. سندس چوڻ هو ته اسلام ۾ عبادت دوران هر ڪو الله تعاليٰ جي آڏو سجدو ڪندو آهي، چاهي هو ڪيترو به وڏو يا مشهور هجي، ڪنهن کي به برتري حاصل ناهي. اداڪار جيئي وڌيڪ چيو ته مسجد جو ماحول سندس لاءِ بلڪل نئون تجربو هو جتي ڪابه رش ناهي، ڪو به غير ضروري دٻاءُ ناهي ۽ ڪو به ماڻهو پنهنجي مرضي مطابق عبادت ڪري سگهي ٿو. هن چيو ته اسلام قبول ڪرڻ بعد سندس سوچ ۽ شخصيت ۾ نمايان تبديلي آئي آهي. واضح رهي ته اداڪار جيئي پنهنجي فلمي ڪيريئر جي شروعات 2002ع ۾ ان وقت جي اڀرندڙ اداڪار ۽ تامل ناڊو جي موجوده وڏي وزير ٿالاپتي وجي سان ڪئي هئي.



Source link