ڀارتي رياست مني پور ۾ بي جي پي حڪومت ظلم جي انتها ڪري ڇڏي آهي.
مني پور جي علحدگي پسند گروپن جي سامهون ڀارتي فوج معصوم شهرين تي طاقت جو استعمال شروع ڪري ڇڏيو، بيگناهه ماڻهن کي نشانو بڻائي ڪيترن ئي گهرن کي باهه ڏئي ڇڏي.
ڀارتي اخبار انڊيا ٽوڊا موجب مني پور جي ضلعي ڪانگپوڪي جي ڳوٺ خرم وائيپيئي ۾ باهه لڳڻ جي نتيجي ۾ 5 گهر مڪمل طور تي تباهه ٿي ويا.
انڊيا ٽو جي مطابق واقعو چرچ اڳواڻن جي قتل ۽ 14 يرغمالين جي آزادي لاءِ انصاف لاءِ ڪوڪيز تنظيمن جي جاري احتجاجي ريلي دوران پيش آيو.
مني پور جي مزاحمتي گروپ جي ٽوئيٽ موجب ڀارتي فوجي گروپ آسام رائفلز مني پور جي علائقي اوکرول ۾ بيگناهه ماڻهن تي فائرنگ ڪئي ۽ گهرن کي باهه ڏني.
عالمي ماهرن موجب مني پور ۾ اندروني ڇڪتاڻ سبب بدامني عروج تي آهي ۽ امن امان جي صورتحال بي قابو ٿي وئي آهي.
ماهرن جو چوڻ آهي ته مني پور ۾ جيئن ئي آزاديءَ جي تحريڪ زور ورتو ته قابض ڀارت معصوم ماڻهن تي پنهنجي بربريت جو انڪشاف ڪيو، مودي جي ضد ۽ طاقت جي غير ضروري استعمال مني پور ۾ جاري بحران کي وڌيڪ پيچيده ڪري ڇڏيو آهي.
