ميٽرڪ جي امتحانن ۾ بي ضابطگين جي معاملي تي ڪارروائي، امتحانن جي اڳوڻي انسپيڪٽر کان وضاحت طلب

ميٽرڪ جي امتحانن ۾ بي ضابطگين، امتحاني مرڪزن جي تبديلي ۽ ايڊمٽ ڪارڊ جاري ڪرڻ ۾ دير جي معاملي تي چيئرمين بورڊز ڪارروائي شروع ڪري ڇڏي. اڳوڻي امتحانن واري آفيسر کان امتحانن ۾ بي ضابطگين بابت تفصيلي وضاحت طلب ڪئي وئي. ميٽرڪ جي جاري امتحان کان اڳ ايڊمٽ ڪارڊ جاري ڪرڻ هڪ سنگين مسئلو بڻجي ويو آهي ۽ ايڊمٽ ڪارڊ دير سان جاري ٿيڻ سبب امتحانن ۾ به دير ٿي وئي آهي. بورڊ آف سيڪنڊري ايجوڪيشن پاران اڳوڻي ڪنٽرولر امتحانات کي شوڪاز نوٽيس جاري ڪندي غلط امتحاني سينٽرن جي اسيسمينٽ بابت وضاحت ڪرڻ لاءِ چيو ويو آهي. تاريخ ۾ پهريون ڀيرو انتظام مڪمل نه ٿيڻ سبب امتحان ملتوي ڪرڻا پيا. 13 اپريل تي سنڌ حڪومت هڪ ڀيرو ٻيهر ميٽرڪ بورڊ کي رپورٽ پيش ڪرڻ جو حڪم ڏنو هو. واضح رهي ته سنڌ حڪومت امتحانن ۾ دير ۽ ايڊمٽ ڪارڊ وقت تي جاري نه ڪرڻ بابت رپورٽ طلب ڪري ورتي هئي.



Source link