آسٽريليا جي چيف سليڪٽر جارج بيلي واضح ڪيو آهي ته گلين ميڪسويل، مارڪس اسٽونز ۽ اسٽيو سمٿ جو ٽي 20 انٽرنيشنل ڪيريئر ختم ناهي ٿيو.
آسٽريليا جون ۾ بنگلاديش خلاف ٽن ٽي ٽوئنٽي لاءِ 16 رڪني اسڪواڊ جو اعلان ڪيو آهي، جنهن ۾ اهي ٽي رانديگر شامل نه آهن.
پيٽ ڪمنز ۽ جوش هيزل ووڊ کي به ٽيم مان آرام ڏنو ويو آهي ته جيئن مصروف ٽيسٽ شيڊيول جي تياري ڪري سگهجي.
ميڪسويل ۽ اسٽوئنز گذريل ڪيترن ئي سالن کان آسٽريلوي ٽي 20 ٽيم جو لازمي حصو رهيا آهن ۽ 2021 جي ٽي 20 ورلڊ ڪپ ۾ به ٽيم جي ڪاميابي ۾ اهم ڪردار ادا ڪيو.
جڏهن ته تازو ٽي 20 ورلڊ ڪپ ۾ آسٽريليا جي خراب ڪارڪردگي کانپوءِ سليڪٽرز نوجوان رانديگرن کي آزمائڻ جو فيصلو ڪيو آهي.
جارج بيلي موجب اهو فيصلو مستقل نه پر مستقبل جي پلاننگ جو حصو آهي ڇو ته 2028ع جي گهرن ٽي ٽوئنٽي ورلڊ ڪپ ۽ لاس اينجلس اولمپڪس کي نظر ۾ رکندي نون رانديگرن کي موقعو ڏيڻ ضروري آهي.
