لاهور:
والٽن روڊ تي شادي ڪرڻ کان انڪار ڪرڻ تي ناڪام عاشق عورت تي باهمي مواد اڇلائي کيس باهه ڏئي ڇڏي.
واقعي دوران جوابدار پاڻ کي باهه ڏئي سڙي سڙي فوت ٿي ويو، جنهن بعد ٻنهي مقتول عورت ۽ زخمي جوابدار کي جناح اسپتال لاهور منتقل ڪيو ويو.
پنجاب وومين پروٽيڪشن اٿارٽي جي چيئرپرسن حنا پرويز بٽ جناح اسپتال لاهور جو دورو ڪيو، جتي هن متاثر عورت سان ملاقات ڪئي ۽ سندس خيريت معلوم ڪئي ۽ کيس انصاف جو يقين ڏياريو.
هن چيو ته پنجاب حڪومت ۽ پنجاب وومين پروٽيڪشن اٿارٽي متاثرن سان گڏ آهي. ان موقعي تي هن ايم ايس، ڊاڪٽرن ۽ اسپتال انتظاميا کان متاثر عورت جي علاج بابت بريفنگ پڻ ورتي.
حنا پرويز بٽ اسپتال انتظاميا کي هدايت ڪئي ته متاثر عورت کي هر قسم جون بهترين طبي سهولتون فراهم ڪيون وڃن. علاج ۾ ڪنهن به قسم جي غفلت برداشت نه ڪئي ويندي. هن چيو ته واقعي جو ڪيس پوليس ٿاڻي فيڪٽري ايريا ۾ داخل ڪيو ويو آهي.
هن ان موقعي تي ٻڌايو ته مقتول عورت پنهنجي 4 ورهين جي پٽ کي مدرسي ۾ داخل ڪرائڻ لاءِ وٺي وڃي رهي هئي. روڊ تي پهچندي جوابدار کيس روڪيو ۽ ڏاڍائي شروع ڪري ڏني. جڏهن عورت رڙ ڪئي ته جوابدارن مٿس آتش گير مادو اڇلائي کيس باهه ڏئي ڇڏي، جنهن جي نتيجي ۾ عورت جو منهن، وار ۽ جسم جا مختلف حصا سڙي ويا.
حنا پرويز بٽ موجب جوابدار اڳ ۾ 2 شاديون ڪيون هيون ۽ ٻنهي زالن ناراض ٿي گهر ڇڏي هلي وئي. زالن جي ناراضگي بعد جوابدار پنهنجي پاڙيسري عورت سان دوستي ڪئي ۽ 3 ٻارن جي ماءُ کي شادي ڪرڻ لاءِ چيو. عورت جي انڪار تي جوابدار ڪاوڙ ۾ اچي عورت کي باهه ڏئي ڇڏي.
هن چيو ته عورتن کي تنگ ڪرڻ، دٻاءُ وجهڻ يا زبردستي شادي ڪرڻ ناقابل برداشت جرم آهي. پنجاب جي وڏي وزير مريم نواز شريف جو واضع پيغام آهي ته عورتون اسان جي ريڊ لائن آهن، عورتن تي تشدد ڪرڻ وارا ڪنهن رعايت جا مستحق ناهن.
حنا پرويز بٽ چيو ته جوابدارن خلاف قانون موجب سخت ڪارروائي ڪئي ويندي. پنجاب وومين پروٽيڪشن اٿارٽي متاثر عورت کي قانوني، طبي ۽ هر ممڪن مدد فراهم ڪندي. عورتن تي تشدد ۽ حراسان ڪرڻ ۾ ملوث عنصرن کي ڪنهن به صورت ۾ معاف نه ڪيو ويندو.
