ڀارت ۾ هڪ جج ٻڌڻي دوران ملڪ جي نوجوان کي ڪاڪروچ قرار ڏنو، جنهن جي جواب ۾ نوجوان ڪاڪروچ سان منسوب آن لائن مهم جو بنياد رکيو.
ميڊيا رپورٽن موجب ڀارت ۾ هڪ جج جي نوجوانن بابت تڪراري ريمارڪس کانپوءِ سوشل ميڊيا تي سخت ردعمل سامهون آيو ۽ احتجاج ۾ نوجوانن ڪاڪروچ جنتاپادي جي نالي سان مذاق ڪندي آن لائن مهم شروع ڪئي جنهن کي 3 ڏينهن ۾ 11.1 ملين فالوورز حاصل ٿي ويا جڏهن ته بي ڪي پي ۾ 8.8 ملين فالوورز آهن.
رپورٽن مطابق ٻڌڻي دوران جج چيو ته اڄ جا نوجوان ڪڪڙن وانگر آهن جيڪي هر طرف پکڙجي وڃن ٿا پر ذميواري قبول نٿا ڪن.
ان بيان کانپوءِ شاگردن ۽ نوجوان ڪارڪنن سوشل ميڊيا تي ميمز، وڊيوز ۽ طنزيه پوسٽون شيئر ڪرڻ شروع ڪيون.
بعد ۾ ڪجهه نوجوانن ڪاڪروچ جنتا پارٽي نالي هڪ علامتي گروپ به ٺاهيو، جنهن جو مقصد نوجوانن جي مسئلن، بيروزگاري ۽ اظهار جي آزادي تي ڌيان ڏيڻ آهي.
سوشل ميڊيا تي گروپ طرفان هڪ پوسٽ به شيئر ڪئي وئي جنهن ۾ لکيو ويو ته ڀارت ۾ جڏهن گٽر ٺاهيا ويندا ته هتي رڳو ڪاکروچ ئي پيدا ٿيندا.
اهو معاملو ڀارتي سوشل ميڊيا تي تيزي سان هلي رهيو آهي، جڏهن ته ڪيترن ئي سياسي ۽ سماجي حلقن جج جي بيان کي نوجوان نسل جي توهين قرار ڏنو آهي.
