پاڪستان ڪرڪيٽ ٽيم جي وائيٽ بال جي هيڊ ڪوچ مائيڪ هيسن جو چوڻ آهي ته نئين رانديگرن کي موقعو ڏنو ويندو ته هو ورلڊ ڪپ 2027ع جي تيارين لاءِ تيار آهن.
پي سي بي جي پوڊ ڪاسٽ ۾ ڳالهائيندي مائيڪ هيسن چيو ته آءِ سي سي ڪرڪيٽ ورلڊ ڪپ 2027 کي نظر ۾ رکندي مضبوط ۽ متوازن ٽيم ٺاهڻ لاءِ قومي ون ڊي اسڪواڊ ۾ نون رانديگرن کي آزمائڻ ضروري آهي.
مائيڪ هيسن جو چوڻ هو ته ٽيم مئنيجمينٽ ايندڙ ڏيڍ سال ۾ بهترين ممڪن اسڪواڊ ٺاهڻ تي ڌيان ڏئي رهي آهي.
سندس چوڻ هو ته وقت جي ضرورت آهي ته صرف هڪ گروهه تي ڀروسو ڪرڻ بدران نوان ٽيلينٽ سامهون اچي.
هيڊ ڪوچ نيشنل ڪرڪيٽ اڪيڊمي جي تازي ڪيمپ کي مفيد قرار ڏيندي چيو ته ان دوران نوجوان رانديگرن جي صلاحيتن جو جائزو ورتو ويو ۽ اهو سمجهڻ جي ڪوشش ڪئي وئي ته ٽيم کي ڪهڙن شعبن ۾ وڌيڪ بهتري جي ضرورت آهي.
هن چيو ته ڪيترائي نوجوان باصلاحيت آهن پر انهن کي وڌيڪ محنت ۽ وقت جي ضرورت پوندي.
مائيڪ هيسن ان ڳالهه تي زور ڏنو ته انٽرنيشنل ڪرڪيٽ ۾ نوان رانديگر فوري ڪاميابي حاصل نٿا ڪن، ان ڪري کين صبر ۽ اعتماد ڏيڻ جي ضرورت آهي.
هن چيو ته آسٽريليا سيريز کانپوءِ ون ڊي ٽيم کي وڌيڪ مضبوط بڻائڻ لاءِ مختلف تربيتي ڪئمپون جاري رکيون وينديون.
