وزيراعظم محمد شهباز شريف فيفا ورلڊ ڪپ 2026ع ۾ اسپين جي شاندار ڪاميابي تي مبارڪباد ڏني آهي.
سوشل ميڊيا ويب سائيٽ ايڪس تي جاري ڪيل بيان ۾ وزيراعظم شهباز شريف چيو ته اسپين جي ٽيم سڄي ٽورنامينٽ ۾ غير معمولي مهارت، اتحاد، نظم و ضبط ۽ شاندار ٽيم ورڪ جو مظاهرو ڪيو جنهن سبب هو اعزاز جي مستحق آهي.
شهباز شريف ان تاريخي تقريب جي ڪاميابيءَ سان ميزباني ڪرڻ تي آمريڪي صدر ڊونلڊ ٽرمپ ۽ آمريڪي عوام کي مبارڪباد پڻ ڏني.
هن گڏيل ميزباني ۾ تعاون ۽ شاندار انتظامن تي ميڪسيڪو ۽ ڪينيڊا جي حڪومتن ۽ عوام کي پڻ ساراهيو.
وزيراعظم فيفا جي صدر گياني انفنٽينو ۽ سندس ٽيم جي ڪوششن کي به خراج تحسين پيش ڪندي چيو ته هن عالمي ايونٽ فٽبال کي عالمي سطح تي وڌيڪ مقبول ۽ مضبوط بڻائڻ ۾ اهم ڪردار ادا ڪيو.
شهباز شريف ان اميد جو اظهار پڻ ڪيو ته رانديون دوستي، اتحاد ۽ عالمي هم آهنگي کي هٿي وٺرائڻ جو ذريعو بڻجنديون.
مان اسپين کي FIFA ورلڊ ڪپ 2026 ۾ شاندار فتح تي مبارڪباد ڏيان ٿو. اسپين جي قومي ٽيم سڄي ٽورنامينٽ ۾ غير معمولي مهارت، اتحاد، نظم و ضبط ۽ ٽيم ورڪ جو مظاهرو ڪيو.
مان صدر ڊونالڊ ٽرمپ ۽ آمريڪا جي عوام کي دل جي گهراين سان مبارڪباد پيش ڪريان ٿو…
– شهباز شريف (@CMShehbaz) 20 جولاءِ 2026
