اسلام آباد: پاڪستان ۽ ترڪي جي عدالتي تعاون جي معاهدي تحت اهم اڳڀرائي ٿي آهي جنهن تحت پاڪستان جي عدالتي وفد ترڪي جو دورو ڪيو آهي.
ذريعن موجب وفد ۾ سپريم ڪورٽ جي جسٽس محمد علي مظهر، گلگت بلتستان جي چيف جسٽس علي بيگ ۽ ضلعي عدالتن جا جج شامل هئا.
دوري دوران پاڪستاني ججن استنبول ۾ ترڪي جي آئيني عدالت جي آفيسرن سان ملاقات ڪئي، جتي جديد عدالتي نظام ۽ ٽيڪنالاجي جي استعمال تي خصوصي سيشن منعقد ڪيا ويا.
وفد ڪيس مينيجمينٽ سسٽم ۽ آئي ٽي انفراسٽرڪچر جو تفصيلي جائزو ورتو ۽ عدالتي معاملن ۾ ڊجيٽلائيزيشن جي مختلف پهلوئن تي خيالن جي ڏي وٺ ڪئي.
عملدارن موجب هن دوري جو مقصد پاڪستان جي عدالتي نظام کي وڌيڪ جديد ۽ موثر بڻائڻ آهي.
