پاڪستاني ٽيم جي بيٽسمين بابر اعظم جو چوڻ آهي ته سٺي پچ باوجود پاڪستان وڏي پارٽنرشپ قائم نه ڪري سگهيو، منهنجي ۽ سلمان علي آغا جون وڪيٽون ميچ جو ٽرننگ پوائنٽ ثابت ٿيون.
بنگلاديش خلاف ٻي ٽيسٽ جي ٻئي ڏينهن جي پڄاڻي تي پريس ڪانفرنس ڪندي بابر اعظم چيو ته پچ بيٽنگ لاءِ ڪافي سٺي هئي ۽ بال سٺي انداز ۾ بيٽنگ تي اچي رهي هئي پر پاڪستان وڏي پارٽنرشپ نه ٺاهي سگهي جنهن سبب ٽيم دٻاءُ ۾ اچي وئي.
هن اعتراف ڪيو ته سندس ۽ سلمان علي آغا جون وڪيٽون ميچ جو ٽرننگ پوائنٽ ثابت ٿيون، اسان جي آئوٽ ٿيڻ کانپوءِ پاڪستان ڪا وڌيڪ اهم پارٽنرشپ نه ٺاهي سگهي ۽ ميچ جو لمحو ئي بدلجي ويو.
فاسٽ بالرز بابت ڳالهائيندي بابر اعظم چيو ته اڄ جي ڪرڪيٽ ۾ هر ٽيم وٽ 140 کان 150 ڪلوميٽر في ڪلاڪ جي رفتار سان بالر آهن، ان ڪري بيٽسمينن کي پاڻ کي انهن حالتن مطابق ٺهڪائڻو پوندو.
هن چيو ته مان هميشه پنهنجي فطري راند کيڏڻ جي ڪوشش ڪندو آهيان، ڪڏهن ڪاميابي ملندي آهي ته ڪڏهن ناڪامي کي منهن ڏيڻو پوندو آهي. پاڪستاني بيٽنگ لائن جي نفسياتي دٻاءُ بابت سوال ڪرڻ تي بابر اعظم چيو ته مان نٿو سمجهان ته ٽيم ڪنهن ذهني دٻاءَ جو شڪار آهي پر مسئلو اهو آهي ته بيٽسمين پنهنجي رٿابندي تي عمل نه ڪري سگهيا آهن.
هن چيو ته ٽيسٽ ڪرڪيٽ ۾ ٻه يا ٽي وڏيون پارٽنرشپس اهم هونديون آهن، پاڪستان اڪثر ڪري سٺي شروعات کانپوءِ هڪ کان پوءِ وڪيٽون وڃائيندو آهي.
بابر اعظم موجب جڏهن هڪ وڪيٽ گري ته ان کان پوءِ وڌيڪ وڪيٽون گرڻ شروع ٿيون، جنهن کي روڪڻ لاءِ ذهني قوت ۽ بهتر ڪميونيڪيشن تي ڪم ڪيو پيو وڃي. ملڪ کان ٻاهر ٽيسٽ ڪرڪيٽ ۾ پاڪستاني بيٽسمينن جي ناڪامين تي ڳالهائيندي بابر اعظم چيو ته مختلف ملڪن کي مختلف انداز سان کيڏڻو پوندو آهي ۽ هر حالت مختلف چئلينج پيش ڪندي آهي. مسلسل محنت ڪرڻ.
بابر اعظم چيو ته اسان بحيثيت ٽيم سمجهون ٿا ته اسان کي هر سيريز، هر ميچ ۽ ورلڊ ڪپ ۾ سٺو ڪم ڪرڻو آهي، ڪو به ان ذهنيت سان نه هليو ته اسان سٺو نه ڪيو يا نه کٽيو، هر ڪنهن جي ڪوشش هوندي آهي ته هاڪاري هجي، غلطين کي گهٽائڻو پوندو، اهو ئي اسان سڀني لاءِ سٺو آهي.
