لنڊن: برطانيا جي دهشتگردي جي خاتمي واري پوليس 39 سالن جي شخص تي ايران جي انٽيليجنس سروس جي مدد ڪرڻ جي الزام ۾ فرد جرم لاڳو ڪري ڇڏيو آهي.
برطانوي پوليس موجب جوابدار جي سڃاڻپ وحيد ابري جي نالي سان ٿي آهي، جيڪو ليورپول جو رهواسي آهي، کيس اربع تي برمنگهم جي علائقي مان گرفتار ڪيو ويو. مٿس قومي سلامتي ايڪٽ تحت فرد جرم لاڳو ڪيو ويو آهي.
لنڊن جي دهشتگردي جي انت واري پوليس جي سربراهه ڪمانڊر هيلن فلانگن چيو آهي ته ڇاڪاڻ ته معاملو عدالت ۾ ويو آهي، هو جاچ جي تفصيل تي تبصرو نٿو ڪري سگهي.
هن چيو ته هن وقت تائين جاچ دوران عوام، ڪنهن مخصوص برادري يا ڪنهن فرد کي سڌي خطري جو ڪو به ثبوت سامهون نه آيو آهي، ان ڪري شهرين کي پريشان ٿيڻ جي ضرورت ناهي.
پوليس موجب جوابدار کي عدالتي رمانڊ تي ويسٽ منسٽر مئجسٽريٽ جي عدالت ۾ پيش ڪيو ويندو، جتي ڪيس جي شروعاتي ٻڌڻي ٿيندي.
برطانوي اختيارين هن مرحلي تي الزام جي نوعيت يا ملزم جي مبينا سرگرمين بابت وڌيڪ تفصيل جاري نه ڪيا آهن، جڏهن ته ايراني اختيارين طرفان فوري طور تي ڪوبه ردعمل سامهون نه آيو آهي.
هي پيش رفت هڪ اهڙي وقت ۾ سامهون آئي آهي جڏهن برطانيا ۽ ايران جا لاڳاپا مختلف سفارتي ۽ سيڪيورٽي معاملن جي ڪري مسلسل عالمي ڌيان جي مرڪز ۾ آهن.
