بنگلاديش ٽئين ون ڊي ميچ ۾ نيوزيلينڊ کي 55 رنسن تان شڪست ڏئي سيريز کٽي ورتي.
چٽگانگ ۾ کيڏيل ميچ ۾ دوري جي ٽيم ٽاس کٽي ميزبان بنگلاديش کي پهريان بيٽنگ جي دعوت ڏني.
بنگلاديش مقرر 50 اوورن ۾ 8 وڪيٽن جي نقصان تي 265 رنسون ٺاهيون، نجم الحسين شنٽو (105) جي شاندار سينچري جي بدولت بنگلاديش مقرر 50 اوورن ۾ 8 وڪيٽن جي نقصان تي 265 رنسون ٺاهيون. لٽن داس 76 رنسون ٺاهي ٻئين نمبر تي بيٽسمين رهيو.
نيوزيلينڊ طرفان ول او رورڪ 3، بين ليسٽر ۽ جيڊن لينڪس 2-2 جڏهن ته ڊين فاڪس ڪرافٽ هڪ وڪيٽ ورتي.
هدف جي تعاقب ۾ ڪيوي ٽيم 44.5 اوورن ۾ 210 رنسون ٺاهي آل آئوٽ ٿي وئي. ڊين فاڪس ڪرافٽ 75 ۽ نڪ ڪيلي 59 رنسون ٺاهيون.
بنگلاديش طرفان مستفيض الرحمان 5، ناهيد رانا ۽ مهدي حسن ميرز 2، 2 وڪيٽون ورتيون جڏهن ته شرف الاسلام هڪ وڪيٽ ورتي.
ان فتح سان بنگلاديش ٽن ون ڊي ميچن جي سيريز 1-2 تان پنهنجي نالي ڪري ورتي.
