پاڪستاني ٽينس رانديگر محمد شعيب خان پنهنجي شاندار ڪارڪردگيءَ سبب روسي رانديگر کي شڪست ڏئي 20 سالن کانپوءِ آئي ٽي ايف فيوچرز ٽائيٽل پنهنجي نالي ڪرڻ جو اعزاز حاصل ڪري ورتو.
اسلام آباد ۾ کيڏيل فائنل ۾ محمد شعيب روس جي نڪيتا ايانان کي سنسني خیز مقابلي بعد شڪست ڏئي ڇڏي. محمد شعيب هي ميچ 7 ڇڪن، 4 ڇڪن ۽ 6 ڇڪن جي مدد سان کٽي ٽائيٽل پنهنجي نالي ڪري ورتو.
20 سالن کانپوءِ ڪو پاڪستاني رانديگر آئي ٽي ايف فيوچرز جي فائنل ۾ پهتو، پاڪستان ٽينس فيڊريشن جي صدر اعصام الحق ۽ سيڪريٽري ڪرنل ضياءَ طفيل محمد شعيب کي شاندار ڪاميابي تي مبارڪباد ڏني.
اختتامي تقريب ۾ سويڊن جي سفير خاص شرڪت ڪئي جڏهن ته صدر پي ٽي ايف اعصام الحق چيو ته اڄ پاڪستان ٽينس ۽ راندين جي شوقينن لاءِ وڏو ڏينهن آهي، محمد شعيب خان تاريخ رقم ڪئي.
