روهت شرما ون ڊي ٽيم مان ڊراپ ٿي ويو؟ انگلينڊ سيريز جي آخري ٿيڻ جو امڪان آهي

ڀارتي اوپنر ۽ اڳوڻي ڪپتان روهت شرما کي انگلينڊ خلاف جاري ون ڊي سيريز کانپوءِ قومي ون ڊي اسڪواڊ مان ٻاهر ڪرڻ جو امڪان آهي. ڀارتي ميڊيا رپورٽن موجب ڀارتي ڪرڪيٽ بورڊ (بي سي سي آءِ) آءِ سي سي ون ڊي ورلڊ ڪپ 2027 کي نظر ۾ رکندي نوجوان رانديگرن جي نئين ٽيم تيار ڪرڻ جو فيصلو ڪيو آهي، رپورٽن مطابق گذريل هفتي سينيئر سليڪشن ڪميٽي ۽ هيڊ ڪوچ گوتم گمڀير روهت شرما سان ملاقات ڪئي جنهن ۾ کيس ٽيم جي مستقبل جي منصوبن بابت آگاهه ڪيو ويو. ذريعن جو چوڻ آهي ته روهت شرما ون ڊي ڪرڪيٽ ۾ پنهنجو ڪيريئر جاري رکڻ چاهي ٿو پر سليڪٽرز نوجوان رانديگرن کي وڌيڪ موقعا ڏيڻ جي حڪمت عملي اختيار ڪري ورتي آهي ته جيئن ايندڙ ورلڊ ڪپ جي تياري ڪري سگهجي. ان فيصلي تحت نوجوان اوپنر يوشوي جيسوال کي ون ڊي ڪرڪيٽ ۾ باقاعده موقعو ملڻ جو امڪان آهي، جڏهن ته ڀارتي ٽيم جي فارميشن مستقبل جي ضرورتن کي نظر ۾ رکندي ڪئي پئي وڃي. ڀارتي ميڊيا موجب سليڪٽرز روهت شرما تي واضح ڪري ڇڏيو آهي ته انگلينڊ خلاف سيريز کانپوءِ هو ٽيم جي مستقبل جي منصوبن جو حصو نه هوندو. جيڪڏهن فيصلو برقرار رهيو ته 19 جولاءِ تي لارڊز ۾ انگلينڊ خلاف ون ڊي ميچ روهت شرما جي انٽرنيشنل ڪيريئر جي آخري ون ڊي ثابت ٿي سگهي ٿي.



Source link