پيٽروليم شين جي نئين قيمتن جو اعلان اڄ ڪيو ويندو.
ذريعن جو چوڻ آهي ته حڪومت وٽ مارچ مهيني لاءِ تيل جا ڪافي ذخيرا موجود آهن. وفاقي حڪومت به خرچن ۾ گهٽتائي ۽ ايندھن جي استعمال کي محدود ڪرڻ لاءِ سادگي واري قدمن تي عمل شروع ڪري ڇڏيو آهي.
ان حوالي سان اسلام آباد ۾ اڄ سرڪاري موڪل جو ڏينهن ملهايو ويو آهي، جڏهن ته ايندھن جي گھٽ استعمال واري حڪمت عملي تحت حڪومت جيٽ فيول ۽ پيٽروڪيميڪل شين جي برآمد تي به پابندي لاڳو ڪري ڇڏي آهي.
هوڏانهن پيٽروليم واري وفاقي وزير علي پرويز ملڪ چيو آهي ته پيٽروليم شين جي قيمتن ۾ تبديلي جو باضابطا اعلان جمعي تي ڪيو ويندو. هن چيو ته نئين قيمتن جو تعين عالمي اوسط قيمتن کي نظر ۾ رکندي ڪيو ويندو.
