لاهور: پاڪستان سپر ليگ سيزن 11 جو فائنل اڄ شام 7 وڳي حيدرآباد ڪنگز ۽ پشاور زلمي وچ ۾ کيڏيو ويندو.
قذافي اسٽيڊيم ۾ فائنل کان اڳ رنگارنگ اختتامي تقريب پڻ ٿيندي، جنهن ۾ ملڪ جا نامور گلوڪار عاطف اسلم، علي عظمت، عارف لوهار، آئمه بيگ ۽ صابري سسٽرس پنهنجي پرفارمنس سان حاضرين کي وندرائيندا.
چيئرمين پي سي بي محسن نقوي جي صدارت هيٺ اجلاس ۾ پي ايس ايل 11 جي فائنل ميچ جي انتظامن جو تفصيلي جائزو ورتو ويو.
محسن نقوي چيو ته ميگا ايونٽ لاءِ هر سطح تي بهترين ۽ شاندار انتظامن کي يقيني بڻايو وڃي، ڪرڪيٽ جي مداحن جي سهولت جو خاص خيال رکيو وڃي.
چيئرمين پي سي بي ڪرڪيٽ جي مداحن کي گرانڊ فائنل مان لطف اندوز ٿيڻ لاءِ شام 6 وڳي تائين اسٽيڊيم پهچڻ جي هدايت ڪئي.
