چيني صدر شي جن پنگ چيو آهي ته آمريڪا ۽ چين کي حریف نه پر ڀائيوار هئڻ گهرجن.
ميڊيا رپورٽن موجب چيني صدر شي جن پنگ بيجنگ ۾ آمريڪي صدر جي اعزاز ۾ سرڪاري ڊنر تقريب کي خطاب ڪندي چيو ته آمريڪي صدر جو دورو تاريخي دورو آهي، چين ۽ آمريڪا ٻنهي جا ماڻهو شاندار آهن.
هن چيو ته 55 سال اڳ آمريڪي صدر هينري ڪسنجر چين جو دورو ڪيو هو، جنهن ٻنهي ملڪن جي لاڳاپن کي هڪ نئون رخ ڏنو ۽ دنيا جي بهترين مفاد لاءِ آمريڪا سان گڏجي ڪم ڪري سگهون ٿا.
هن چيو ته اڄ آمريڪي صدر سان ملاقات ۾ مثبت ڳالهه ٻولهه ٿي، اسان گڏجي آمريڪا ۽ چيني رياست جي ترقي کي اڳتي وڌائي سگهون ٿا. ٻنهي ملڪن جي اڳواڻن اتفاق ڪيو ته ٻنهي ملڪن جي وچ ۾ اسٽريٽجڪ تعاون تي ٻڌل لاڳاپا ضروري آهن.
شي جن پنگ چيو ته ٻئي ملڪ ٻطرفن لاڳاپن کي نئين رخ ۾ وڌائڻ لاءِ تيار آهن. چين جي تجديد ۽ آمريڪا کي ٻيهر عظيم بڻائڻ هٿ ۾ هٿ اچي سگهي ٿو. عالمي برادري کي آمريڪا ۽ چين کان وڏيون اميدون آهن.
شي جن پنگ چيو ته آمريڪا ۽ چين جا لاڳاپا دنيا جا اهم ٻه طرفا لاڳاپا آهن.
آمريڪا ۽ چين تعاون ۽ پارٽنرشپ مان فائدو وٺن ٿا، جڏهن ته محاذ آرائي نقصانڪار آهي.
ٻئي طرف آمريڪي صدر ڊونلڊ ٽرمپ چيو آهي ته اڄ آمريڪا ۽ چين لاڳاپن لاءِ تمام شاندار ڏينهن آهي، هو چين جي گرمجوشي استقبال تي شڪر گذار آهن. ٻنهي ملڪن جا لاڳاپا وقت سان گڏ مضبوط ٿيا آهن. اسان چين سان تمام تعميري ملاقاتون ڪيون.
هن چيو ته چيني صدر سان انتهائي مثبت ۽ تعميري ڳالهه ٻولهه ٿي، هتي اچڻ منهنجي لاءِ اعزاز جي ڳالهه آهي. آمريڪا ۽ چين جا لاڳاپا تاريخي ۽ مضبوط بنيادن تي ٻڌل آهن.
چين جا ماڻهو ڏاڍا بهادر آهن ۽ ٻنهي ملڪن جي وچ ۾ پرامن لاڳاپا وڏي اهميت رکن ٿا.
هن چيو ته اڄ چيني صدر ۽ چيني ليڊي اوول کي آمريڪا جي دوري جي دعوت ڏيان ٿو. اسان کي تمام گهڻي خوشي ٿيندي جيڪڏهن اهي ٻئي 24 سيپٽمبر تي آمريڪا ايندا.
