لاهور هاءِ ڪورٽ ۾ چکوال ۾ سي سي ڊي جي مبينا فائرنگ سبب 9 ورهين جي ٻارڙي جي فوت ٿيڻ واري واقعي جي جوڊيشل انڪوائري لاءِ داخل مختلف درخواستن تي ٻڌڻي ٿي.
عدالت درخواست تي اهم ٻڌڻي سان گڏ ٻڌڻي ملتوي ڪرڻ جي هدايت ڪندي ٻڌڻي ملتوي ڪري ڇڏي.
ٻڌڻي دوران جسٽس شهرام سرور چوڌري رمارڪس ڏنا ته هي ڪيس راولپنڊي جو آهي، جنهن تي درخواستگذار جي وڪيل اظهر صديق موقف اختيار ڪيو ته هن راولپنڊي بابت ڪو به ڪيس عدالت ۾ نه آندو آهي، سي سي ڊي جي قيام کي لاهور هاءِ ڪورٽ ۾ چئلينج ڪيو ويو آهي ۽ اها درخواست اڳ ئي ٻڌڻي هيٺ آهي.
جڊيشل ايڪٽيزم پينل طرفان داخل ڪرايل درخواست ۾ موقف اختيار ڪيو ويو ته چکوال واقعي ۾ سي سي ڊي جي تربيت ۽ طريقيڪار بابت ڪيترائي سوال اٿاريا ويا آهن، ان ڪري مقتول جي خاندان کي جي آءِ ٽي ۾ شامل ڪري واقعي جي شفاف ۽ غير جانبدارانه جاچ جو حڪم ڏنو وڃي.
