ڊالر 250 رپيا مهانگو، مهانگائي ۾ 6 سيڪڙو گهٽتائي، ماڊل بجيٽ ۾ تجويزون

اقتصادي ماهر اشتاق ٽولا ايندڙ مالي سال لاءِ ماڊل بجيٽ تيار ڪري ورتي آهي جنهن ۾ ڊالر جي قيمت 250 رپيا ۽ مهانگائي 6 سيڪڙو گهٽائڻ جي تجويز ڏني وئي آهي. تفصيل موجب اشتاق ٽولا چيو ته رپئي جي قيمت 250 في ڊالر تائين آڻڻ سان مهانگائي ۾ 6 سيڪڙو گهٽتائي ٿي سگهي ٿي، هنڊي بدران بئنڪنگ چينل ذريعي پئسا موڪلڻ تي 10 رپيا في ڊالر بونس ڏيڻ سان ترسيل ۾ واڌ ٿي سگهي ٿي. پنهنجي تجويزن تي مشتمل ماڊل بجيٽ ۾ هن لکيو ته پاڪستان جي معيشت هن وقت ملڪي ترقي يا آءِ ايم ايف جي سخت حالتن ۾ ڦاٿل آهي ۽ عالمي مالياتي فنڊ جون سخت پاليسيون ڊگهي مدي واري معاشي استحڪام کي نقصان پهچائي سگهن ٿيون. هن لکيو ته حڪومت آءِ ايم ايف کي بجيٽ جي منظوري لاءِ سخت شرطن تي عمل ڪرڻ جو يقين ڏياريو آهي. ماڊل بجيٽ ۾ چيو ويو آهي ته آءِ ايم ايف جي پاليسين سبب بجيٽ خسارو جي ڊي پي جي 4.4 سيڪڙو تائين پهچي سگهي ٿو. جيڪڏهن آءِ ايم ايف کان ڌار ٿي مقامي سڌارا آڻيون ته خسارو 2.1 سيڪڙو تائين لاهي سگهجي ٿو. هن لکيو ته مقامي ٽيڪس سڌارا ۽ روينيو ۾ اضافو معاشي استحڪام لاءِ ضروري آهي. آئي ٽي سيڪٽر کي ٽيڪس ڇوٽ ڏئي برآمدات ۾ نمايان اضافو ٿي سگهي ٿو. زراعت تي ٽيڪس لڳائي آمدني جي بنياد کي وسيع ڪرڻ وقت جي ضرورت آهي. توانائي شعبي جي خساري کي گهٽائڻ کانسواءِ بجيٽ خساري تي ضابطو آڻڻ ناممڪن آهي. ماڊل بجيٽ مان معلوم ٿئي ٿو ته سرڪاري شعبي جي ادارن جي نجڪاري سان بجيٽ تي پوندڙ بار کي ڪافي حد تائين گھٽائي سگهجي ٿو. خانگي شعبي جي حوصلا افزائي لاءِ ريگيوليٽري رڪاوٽون هٽائڻ گهرجن. تجويز ڪيل ماڊل بجيٽ ۾ پرڏيهي اثاثن جي واپسي تي ٽيڪس معافي ذريعي 20 بلين ڊالر تائين سيڙپڪاري جو امڪان آهي. پاليسي ريٽ ۾ 01 سيڪڙو گهٽتائي سان 625 ارب رپيا سرڪاري قرضن جي بچت ٿي سگهي ٿي.



Source link