ڪراچي ۾ ڪيترن ئي ڏينهن جي ٿڌ کانپوءِ گرمي پد ۾ هڪ ڀيرو ٻيهر اضافو ٿي ويو ۽ موسميات کاتي جو چوڻ آهي ته جمعي جي ڏينهن وڌ ۾ وڌ پارو 36.3 ڊگري سينٽي گريڊ رهيو جنهن ۾ گذريل ڏينهن جي ڀيٽ ۾ 1.5 ڊگري سينٽي گريڊ اضافو ٿيو. موسميات کاتي جو چوڻ آهي ته گذريل ڪيترن ئي ڏينهن دوران شهر ۾ جزوي ابر آلود ۽ معمول کان وڌيڪ (45 ڪلوميٽر في ڪلاڪ جي رفتار) سامونڊي هوائن جي نتيجي ۾ شهر ۾ موسم گهڻي ڀاڱي معتدل رهي. شهر ۾ گذريل ڏينهن جي ڀيٽ ۾ گرمي پد 1.5 ڊگري سينٽي گريڊ وڌي ويو ۽ 36.3 ڊگري سينٽي گريڊ رڪارڊ ڪيو ويو، جڏهن ته هوا ۾ نمي جو تناسب 59 سيڪڙو رهيو. موسميات کاتي جي ارلي وارننگ سينٽر جي اڳڪٿي موجب ايندڙ 3 ڏينهن دوران موسم جزوي ابر آلود ۽ خشڪ رهندو ۽ صبح ۽ رات جي وقت ڪجهه هنڌن تي برسات جو امڪان آهي. موسميات کاتي اڳڪٿي ڪئي آهي ته صوبي جي اڪثر علائقن ۾ موسم گرم ۽ خشڪ رهڻ جو امڪان آهي، جڏهن ته ڄامشورو ۽ دادو ۾ تيز هوائن ۽ گجگوڙ سان برسات جو امڪان آهي.
Source link
Leave a Comment Leave a Comment
