ڪراچي:
شهر قائد ۾ ڪورنگي بلال چورنگي وٽ پوليس ۽ ڌاڙيلن ۾ مقابلو، زخمين سميت 4 جوابدارن کي گرفتار ڪري ورتو.
ڪراچي پوليس جي ترجمان موجب باغ ڪورنگي ويجهو پوليس شڪي موٽرسائيڪل سوارن کي روڪڻ جو اشارو ڪيو ته هنن فائرنگ شروع ڪري ڏني.
جوابي ڪارروائي ۾ پوليس زخمين سميت 4 جوابدارن کي گرفتار ڪري ورتو. نامزد جوابدارن ۾ معيز، وقار ۽ انس شامل آهن.
پوليس جو چوڻ آهي ته جوابدارن جي قبضي مان ٽي پستول، ڪيتريون گوليون، موبائل فون ۽ ٻه موٽرسائيڪلون هٿ ڪيون ويون آهن.
زخمي جوابدار کي فوري طبي امداد لاءِ جناح اسپتال منتقل ڪيو ويو آهي. پوليس موجب جوابدارن جو ڪرمنل رڪارڊ چيڪ ڪيو پيو وڃي.
