”ڪم ائين ئي جاري رهندو“ منشيات فروش پنڪي جو وڌيڪ آڊيو پيغام منظر عام تي اچي ويو

منشيات فروشن جي الزام ۾ گرفتار ڪيل انمول عرف پنڪي جو جاچ دوران حاصل ڪيل ٻيو آڊيو پيغام به سامهون آيو آهي. آڊيو پيغام ۾ پنڪي چيو ته منهنجي گرفتاري کانپوءِ به ڪم اهڙي طرح جاري رهندو، جيڪڏهن توهان هي پيغام ٻڌي رهيا آهيو ته ان جو مطلب آهي ته مون کي ڪجهه ٿيو آهي يا مان مري وئي آهيان. گرفتار جوابدار انمول عرف پنڪي چيو ته هاڻي کان سمورو معاملو هڪ ماڻهو سنڀاليندو، توهان سڀني سان نئين نمبر تان رابطو ڪيو ويندو ۽ ڪجهه ڏينهن کانپوءِ منهنجو پراڻو نمبر به چالو ڪيو ويندو. ذريعن موجب انمول پنڪي جو ڪامران نالي پوليس اهلڪار سان تعلق جو آڊيو به سامهون آيو آهي. پوليس اهلڪار ڪامران جناح اسپتال پوسٽ تي مقرر هو. جوابدار انمول پنڪي چيو ته ڪامران نالي پوليس اهلڪار 30 لک رپيا وٺي ڀائي ناصر کي آزاد ڪيو. انمول جي ڀاءُ ناصر آڊيو پيغام ۾ چيو ته هو اسپتال جي ڪمري ۾ ويٺو هو جتي مون کي ورتو ويو هو.



Source link