راولپنڊي:
راولپنڊي پوليس جلوس جي روٽ جو تفصيلي معائنو ڪيو ۽ 7 محرم الحرام جي مرڪزي جلوس جي پرامن انعقاد کي يقيني بڻائڻ لاءِ راول ڊويزن ۾ فليگ مارچ پڻ ڪيو ۽ سيڪيورٽي جا فول پروف انتظام ڪيا ويا.
سي پي او راولپنڊي سيد خالد محمود همداني جي هدايتن تي ايس ايس پي آپريشنز ملڪ طارق محبوب 7 محرم الحرام جي جلوس جي روٽ جو دورو ڪيو.
ان موقعي تي ايس پي راول، ايس ڊي پي اوز ۽ راول ڊويزن جا ايس ايڇ اوز پڻ ساڻس گڏ هئا.
ايس ايس پي آپريشنز جلوس جي سيڪيورٽي انتظامن جو جائزو ورتو ۽ لاڳاپيل آفيسرن کي ضروري هدايتون جاري ڪيون.
هن چيو ته جلوس جي روٽ جي آس پاس جا سمورا رستا مڪمل سيل ڪيا ويندا جڏهن ته جلوس ۾ شامل ماڻهن کي باڊي سرچ ۽ واڪ ٿرو گيٽس ذريعي چيڪنگ بعد داخل ٿيڻ جي اجازت ڏني ويندي.
هن هدايت ڪئي ته سينيئر آفيسر وقت بوقت ڊيوٽي تي موجود پوليس آفيسرن ۽ اهلڪارن کي بريفنگ ڏيندا رهن ته جيئن سيڪيورٽي جا انتظام موثر طريقي سان برقرار رکيا وڃن.
ايس ايس پي آپريشنز چيو ته شهرين جي جان ۽ مال جو تحفظ اولين ترجيح آهي، جلوس جي سڪيورٽي لاءِ هر ممڪن قدم کنيا پيا وڃن.
ٻئي طرف سي پي او راولپنڊي جي هدايت تي راول ڊويزن ۾ به 7 محرم الحرام جي حوالي سان فليگ مارچ ڪيو ويو، جنهن جي اڳواڻي ايس ايس پي آپريشنز ملڪ طارق محبوب ڪئي.
فليگ مارچ ۾ ايس پي راول، مختلف ٿاڻن جي ايس ڊي پي اوز ۽ ايس ايڇ اوز شرڪت ڪئي.
ان موقعي تي ايس ايس پي آپريشنز ملڪ طارق محبوب چيو ته فليگ مارچ جو مقصد امن امان جي قيام ۽ فول پروف سيڪيورٽي لاءِ راولپنڊي پوليس جي عزم جو اظهار ڪرڻ آهي.
هن چيو ته شهرين جي جان ۽ مال جو تحفظ راولپنڊي پوليس جي اولين ترجيح آهي ۽ ان مقصد لاءِ پوليس ڏينهن رات پنهنجو فرض نڀائي رهي آهي.
