وفاقي حڪومت نئين مالي سال جي بجيٽ ۾ امپورٽ ٿيل لگزري گاڏين، وڏي ايس يو ويز ۽ لگزري اليڪٽرڪ گاڏين تي فيڊرل ايڪسائيز ڊيوٽي لاڳو ڪرڻ جي تجويز ڏني آهي. بجيٽ دستاويزن موجب فيڊرل ايڪسائيز ڊيوٽي 2 هزار سي سي ۽ 3 هزار سي سي کان وڏي جي امپورٽ ٿيل ڪارن ۽ ايس يو ويز تي لاڳو ڪئي وئي آهي جڏهن ته 3 هزار سي سي کان وڏي گاڏين تي به ڊيوٽي وڌائي وئي آهي. ان حوالي سان ٻڌايو ويو آهي ته هي ٽيڪس لگزري اليڪٽرڪ گاڏين تي لاڳو ٿيندو جنهن جي قيمت 2 ڪروڙ کان وڌيڪ آهي. بجيٽ دستاويز موجب نئين آٽو سيڪٽر پاليسي هن وقت وزيراعظم جي قائم ڪيل ڪميٽي غور هيٺ آهي، جنهن جا تفصيل وزيراعظم ۽ وفاقي ڪابينا جي منظوري کانپوءِ پارليامينٽ ۾ پيش ڪيا ويندا. وفاقي ناڻي واري وزير چيو ته مان اهو اعلان ڪرڻ ضروري سمجهان ٿو ته اليڪٽرڪ موٽر سائيڪلن، رڪشا، گاڏين ۽ بسن تي موجوده رعايت وارو نظام ايندڙ سال به جاري رهندو. هن چيو ته ان سلسلي ۾ امپورٽ ٿيل اليڪٽرڪ ٽرڪن تي هڪ سيڪڙو سيلز ٽيڪس جي سهولت ڏيڻ جي تجويز ڏني وئي آهي پر حڪومت ڪوشش ڪري رهي آهي ته تمام مهانگي برقي گاڏين کي انهن سهولتن مان فائدو وٺڻ کان روڪيو وڃي.
Source link
Leave a Comment Leave a Comment
