ناڻي واري وفاقي وزير محمد اورنگزيب چيو آهي ته هلندڙ مالي سال دوران انفارميشن ٽيڪنالاجي (آءِ ٽي) جي برآمدات 4.55 بلين ڊالر تائين پهچڻ جو امڪان آهي، گذريل هڪ سال دوران لڳ ڀڳ 10 لک پاڪستاني نوجوانن کي آءِ ٽي ۽ آرٽيفيشل انٽيليجنس مهارتن ۾ تربيت ڏني وئي آهي. پارليامينٽ ۾ مالي سال 27-2026ع جي بجيٽ پيش ڪندي ناڻي واري وزير محمد اورنگزيب چيو ته پاڪستان ۾ انفارميشن ٽيڪنالاجي جو شعبو تيزي سان ترقي ڪري رهيو آهي، هي شعبو ملڪي ترقي ۽ برآمدات وڌائڻ ۾ اهم ڪردار ادا ڪري رهيو آهي، گذريل هڪ سال ۾ ان شعبي ۾ ڪيتريون ئي اهم ڪاميابيون حاصل ڪيون آهن. هن چيو ته آءِ ٽي شعبي جي برآمدات 20 سيڪڙو کان وڌيڪ سالياني واڌ جي شرح سان وڌي رهي آهي، هن سال برآمدات 4.5 بلين ڊالر تائين پهچڻ جو امڪان آهي، اهڙي ريت هي شعبو برآمدات جي لحاظ کان تيز ترين ترقي ڪندڙ شعبن مان هڪ آهي. هن چيو ته مارچ ۾ 5 5 جي اسپيڪٽرم جي ڪامياب نيلامي، جنهن کي دنيا جي سڀ کان وڏي اسپيڪٽرم نيلامي قرار ڏنو پيو وڃي، پنجن شهرن ۾ 5 جي سروس کي فعال ڪري ڇڏيو آهي. ناڻي واري وزير چيو ته حڪومت رائٽ آف وي چارجز کي ختم ڪري ڇڏيو آهي، جنهن جي نتيجي ۾ 5 ملين گهرن ۾ فائبر لائينون موجود آهن جڏهن ته 2024 تائين 2 ملين گهرن ۾ فائبر لائين ۽ ٽيلي ڪام ٽاورز جي فائبرائيزيشن 14 سيڪڙو مان وڌي 18 سيڪڙو ٿي وئي آهي. هن چيو ته حڪومت پاڪستان جي پهرين نيشنل آرٽيفيشل انٽيليجنس پاليسي جي منظوري ڏني آهي، گذريل هڪ سال ۾ لڳ ڀڳ 10 لک پاڪستاني نوجوانن کي آئي ٽي ۽ آرٽيفيشل انٽيليجنس مهارتن جي سکيا ڏني وئي آهي. محمد اورنگزيب چيو ته ڊجيٽل نيشن پاڪستان ايڪٽ ٽرانسفارميشن تحت اسان ملڪ ۾ ڊجيٽل ٽرانسفارميشن جو قانوني بنياد رکيو آهي، ان تحت نيشنل ڊجيٽل آئي ڊي، نيشنل ڊيٽا ايڪسچينج ليئر ۽ اوپن ڊيٽا ايڪو سسٽم جهڙا منصوبا شروع ڪيا ويا آهن. هن چيو ته مرڪزي حڪومت، عدالتي نظام ۽ پارليامينٽ به ڊجيٽل ٽرانسفارميشن جي سفر تي گامزن آهن، اها نه رڳو ٽيڪنالاجي جو استعمال آهي پر رياست ۽ شهرين جي وچ ۾ لاڳاپن کي وڌيڪ شفاف ۽ فعال بڻائڻ جي ڪوشش آهي.
Source link
Leave a Comment Leave a Comment
