آمريڪي صدر ڊونلڊ ٽرمپ دعويٰ ڪئي آهي ته ايران سان اهم معاهدو آچر تي ٿيندو، جنهن کانپوءِ آبنائي هرمز کي سمورن ملڪن لاءِ فوري طور کوليو ويندو.
عالمي خابرو اداري موجب صدر ٽرمپ اها ڳالهه پنهنجي سوشل ميڊيا پليٽ فارم ٽرٿ سوشل تي جاري ڪيل بيان ۾ چئي.
صدر ڊونلڊ ٽرمپ وڌيڪ چيو ته ايران هاڻي ايٽمي هٿيارن جي حصول جي ڪوشش نه ڪندو ۽ نه ئي ان کي خريد ڪرڻ، ترقي ڪرڻ يا ٻي صورت ۾ حاصل ڪرڻ جي پوزيشن ۾ هوندو.
سندس چوڻ هو ته معاهدي تي صحيحن کان فوري پوءِ آبنائے هرمز کي دنيا جي سمورن ملڪن لاءِ کوليو ويندو، جيڪو عالمي واپار ۽ توانائي جي ترسيل لاءِ اهم شپنگ روٽ آهي.
صدر ڊونلڊ ٽرمپ وڌيڪ چيو ته آمريڪا ۽ ايران جا لاڳاپا اڳئين انتظاميه جي ڀيٽ ۾ هاڻي بهتر آهن ۽ هاڻوڪي پيش رفت ٻنهي ملڪن جي وچ ۾ ڇڪتاڻ ۾ نمايان گهٽتائي جي نشاندهي ڪري ٿي.
آمريڪي صدر ڊونلڊ ٽرمپ چيو آهي ته جڏهن شيون معمول تي اينديون ته ايران جي ايٽمي مٽي حاصل ڪئي ويندي ۽ آهستي آهستي گهٽجي ويندي. ڇا اهي ايٽمي هٿيار ايران وٽ رهجي ويا آهن يا آمريڪا وٽ آڻيا ويا آهن.
صدر ٽرمپ پڻ اميد ظاهر ڪئي ته اهو عمل جلدي، آساني ۽ دوستي سان مڪمل ڪيو ويندو. جيڪڏهن اهو نٿو ٿئي، انهن وٽ هڪ آخري اختيار آهي جيڪو اهي ٻيهر استعمال ڪرڻ نٿا چاهين.
آمريڪي صدر ايران سميت سڄي وچ اوڀر سان ڊگهي مدي تائين ڪم ڪرڻ جي خواهش جو اظهار پڻ ڪيو.
هن اڳوڻي آمريڪي صدر بارڪ اوباما جي ايران سان جوهري معاهدي (JCPOA) تي تنقيد ڪئي.
آمريڪي صدر وڌيڪ چيو ته بارڪ اوباما جو ڊيل ايران کي ايٽمي هٿيارن جي ويجهو آڻي رهيو هو، جڏهن ته موجوده تجويز ڪيل ڊيل جا مخالف اثر پوندا ۽ ايران کي ايٽمي هٿيارن جي حصول کان روڪيندا.
ياد رهي ته آمريڪا، ايران ۽ ثالثي ڪندڙ پاڪستان سميت ڌرين به اعلان ڪيو آهي ته جنگ بندي معاهدي جو مسودو اڳ جي ڀيٽ ۾ مڪمل ٿيڻ جي ويجهو اچي ويو آهي.
