ڪراچي:
شهر قائد جي علائقي زمان ٽائون جي ڪرسچن پاڙي ۾ ٻارن وچ ۾ معمولي ڳالهه تان جهيڙو سنگين تڪرار ۾ تبديل ٿي ويو، جڏهن ته ٻنهي خاندانن جا بزرگ به آمهون سامهون ٿي ويا.
پوليس موجب، جهيڙي دوران هڪ طرف جي ڪيترن ئي ماڻهن ٻئي ڌر جي گهر تي چڙهائي ڪئي ۽ اتي موجود مردن ۽ عورتن تي مبينا طور تي چاقو ۽ لٺن سان حملو ڪيو.
حادثي جي نتيجي ۾ عورتن سميت ڪيترائي ڄڻا زخمي ٿي پيا، جن کي فوري طور تي ويجهي اسپتال منتقل ڪيو ويو، جتي کين طبي امداد ڏني پئي وڃي.
پوليس جو چوڻ آهي ته واقعي جي مختلف رخن کان جاچ شروع ڪئي وئي آهي، زخمين جي ميڊيڪل ليگل رپورٽ (ايم ايل آر) اچڻ بعد سندن خلاف ڪيس داخل ڪيو ويندو.
