گڏيل قومن جي سيڪريٽري جنرل انتونيو گوتريس آمريڪا-ايران امن معاهدي جي آجيان ڪئي ۽ پاڪستان جي موثر سفارتڪاري تي شڪريو ادا ڪيو.
تفصيل موجب گڏيل قومن جي سيڪريٽري جنرل انتونيو گوتريس چيو آهي ته آمريڪا-ايران امن معاهدو تڪرار جي پرامن حل لاءِ اهم قدم آهي.
قطري وزيراعظم ايران-آمريڪا معاهدي لاءِ سازگار صورتحال پيدا ڪرڻ ۽ موثر ڪردار ادا ڪرڻ تي پاڪستان جا ٿورا مڃيا.
برطانوي وزيراعظم آمريڪا-ايران امن معاهدي تي پاڪستان ۽ ٻين ثالثن کي مبارڪباد ڏني.
ترڪ صدر رجب طيب اردگان چيو ته هو آمريڪا-ايران امن معاهدي جي مڪمل ٿيڻ تي پاڪستان جي غير معمولي ثالثي جي ڪوششن تي شڪريو ادا ڪري ٿو.
آسٽريلوي وزيراعظم چيو ته هو آمريڪا ۽ ايران وچ ۾ ٿيل معاهدي جي ڀرپور آجيان ڪري ٿو ۽ پاڪستان جي ڪوششن کي ساراهي ٿو. فرانسيسي صدر چيو ته هو آمريڪا ۽ ايران وچ ۾ سفارتي ڪوششن جي نتيجي ۾ طئي ٿيل امن معاهدي جي آجيان ڪري ٿو، جنهن ۾ ڪيترن ئي ڀائيوارن شرڪت ڪئي.
نيويارڪ ٽائمز موجب آمريڪا-ايران امن معاهدو وزيراعظم شهباز شريف ۽ فيلڊ مارشل عاصم منير جي خاص ڪوششن سبب ممڪن ٿيو.
