اليڪشن ڪميشن تحريڪ لبيڪ پاڪستان (ٽي ايل پي) جي انٽرا پارٽي چونڊن جو محفوظ فيصلو ٻڌائي ڇڏيو آهي.
تفصيل موجب اليڪشن ڪميشن تحريڪ لبيڪ پاڪستان جي انٽرا پارٽي اليڪشن بابت 7 صفحن تي ٻڌل لکت وارو فيصلو جاري ڪري ڇڏيو ۽ تحريڪ لبيڪ کي چونڊ نشان لاءِ نااهل قرار ڏئي ڇڏيو.
فيصلي ۾ لکيو ويو آهي ته ٽي ايل پي انٽرا پارٽي اليڪشن بابت دستاويز رد ڪندي چونڊ نشان ڪرين واپس ورتو آهي.
اليڪشن ڪميشن موجب ٽي ايل پي اليڪشن ايڪٽ 2017 جي سيڪشن 209 جي گهرج پوري ڪرڻ ۾ ناڪام رهي ۽ انٽرا پارٽي چونڊون پارٽي آئين موجب نه ٿيون.
اليڪشن ايڪٽ جي سيڪشن 215 (5) تحت ٽي ايل پي کي چونڊ نشان واپس وٺڻ جو حڪم ڏنو ويو جڏهن ته اليڪشن ڪميشن لاڳاپيل اختيارين کي فيصلي تي عمل ڪرڻ جي هدايت ڪئي.
اليڪشن ڪميشن موجب چونڊ نشان جو جاري ڪرڻ قانوني شرطن جي پورائي سان مشروط آهي.
