فرانس جي صدر ايممنول ميڪرون اعلان ڪيو آهي ته فرانس ۽ برطانيه پاران قائم ڪيل گڏيل فوجي مشن آبنائے هرمز ۾ بحري ٽرئفڪ جي حفاظت لاءِ مڪمل طور تي تيار آهي ۽ ضرورت جي صورت ۾ فوري طور تي مقرر ڪري سگهجي ٿو.
پرڏيهي خابرو اداري موجب ميڪرون جو بيان اهڙي وقت سامهون آيو آهي جڏهن وچ اوڀر ۾ جنگ جي خاتمي ۽ ممڪنه امن معاهدي کانپوءِ آبنائے هرمز کي مڪمل طور تي کولڻ لاءِ ڪوششون جاري آهن.
فرانسيسي صدر، جيڪو جلد ئي آمريڪي صدر ڊونلڊ ٽرمپ سان جي 7 سربراهه اجلاس جي موقعي تي ملاقات ڪرڻ وارو آهي، سوشل ميڊيا پليٽ فارم ايڪس تي هڪ بيان ۾ چيو ته فرانس ۽ برطانيه جي گڏيل مشن لاء تمام ضروري وسيلا ۽ فوجي اثاثا موجود آهن ۽ مقرري لاء تيار آهن.
ميڪرون چيو ته آبنائے هرمز ۾ بحري ٽريفڪ جي مڪمل بحالي، بغير ڪنهن رڪاوٽ ۽ اضافي فيس يا ٽولن جي، خطي ۽ عالمي معيشت جي استحڪام لاءِ اهم آهي.
Je salue l’accord conclu entre les États-Unis et l’Iran, fruit d’un effort diplomaticique auquel ont contributio plusieurs partenaires. J’appelle à sa mise en œuvre rapide et complète par tous les belligerants.
Cet accord doit permettre la réouverture urgente et unconditionalnelle…
Emmanuel Macron (@EmmanuelMacron) جون 14، 2026
هن ان ڳالهه تي زور ڏنو ته دنيا جي توانائي جي فراهمي ۽ عالمي واپار جو هڪ وڏو حصو آبنائي هرمز مان گذري ٿو، ان ڪري هن اهم سامونڊي لنگهه کي کليل رکڻ عالمي معاشي استحڪام لاءِ ناگزير آهي.
سياسي مبصرن موجب جيڪڏهن ايران ۽ آمريڪا وچ ۾ تجويز ڪيل معاهدو ڪامياب ٿي ويو ته آبنائے هرمز ۾ معمول جي سامونڊي سرگرمين جي بحالي سان عالمي مارڪيٽن خاص ڪري تيل جي قيمتن تي مثبت اثر پئجي سگهن ٿا.
ياد رهي ته آبنائي هرمز دنيا جي اهم ترين شپنگ لين مان هڪ آهي جنهن مان دنيا جي تيل جي واپار جو وڏو حصو گذرندو آهي ۽ تازي ڇڪتاڻ دوران ان جي بندش عالمي توانائي مارڪيٽن ۾ سخت پريشاني جو سبب بڻيل آهي.
