يمن ۾ سوشل ميڊيا تي شهرت ماڻيندڙ آزاد چڙهائي ڪندڙ القعقه بن انطار خوفناڪ حادثي ۾ پنهنجي جان وڃائي ويٺو.
ميڊيا رپورٽن موجب 30 ورهين جو القعقه بن عنطار جيڪو آن لائن دنيا ۾ ”اسپائيڊر مين آف يمن“ جي نالي سان مشهور هو، جمعي جي ڏينهن ڏاکڻي صوبي الدهله ۾ هرزات دامت آتش فشان ۾ 120 ميٽر اونهي گڙدي تي چڙهڻ دوران ڪري پيو.
هو حفاظتي رسي ۽ سامان کانسواءِ خطرناڪ پٿرن ۽ جبلن تي چڙهڻ جي وڊيوز لاءِ سوشل ميڊيا تي مشهور هو.
حادثي کانپوءِ مقامي سول ڊفينس ۽ ريسڪيو ٽيمن 24 ڪلاڪن جي ڳولا ۽ ريسڪيو آپريشن کانپوءِ سندس لاش هٿ ڪيو.
رپورٽن مطابق ٽيمن کي ريسڪيو آپريشن دوران ڏکين رستن سبب سخت مشڪلاتن کي منهن ڏيڻو پيو.
يمني ميڊيا موجب الققا بن عنطار ڪڏهن ڪڏهن معاشي مجبوري کي پنهنجي خطرناڪ سرگرمين جو سبب ٻڌائيندو هو ۽ انهن وڊيوز ذريعي آمدني حاصل ڪرڻ جي ڪوشش ڪندو هو.
