بي جي پي جي ڪٺ پتلي ڀارتي وزيراعظم نريندر مودي جي ناڪام پرڏيهي پاليسي جي ابتڙ پاڪستان سفارتي محاذ تي عالمي ڌيان جو مرڪز بڻجي ويو آهي.
مودي جي ناقص پاليسين ۽ ناڪام سفارتڪاري ڀارت کي عالمي سطح تي غير موثر بڻائي ڇڏيو آهي.
ڀارتي جرنل دي ڪاروان موجب ايراني صدر جنگبندي کانپوءِ پاڪستان جو پهريون دورو ڪيو ۽ وزيراعظم شهباز شريف ۽ فيلڊ مارشل عاصم منير جو شڪريو ادا ڪيو، جڏهن ته آمريڪا به امن ڳالهين ۾ سهڪار لاءِ پاڪستان جي ڪردار جي واکاڻ ڪئي.
دي ڪاروان موجب سوئٽزرلينڊ ۾ آمريڪي نائب صدر جي ڊي وينس چيو ته مونکي پاڪستان پسند آهي. ڀارت پنهنجي علائقائي حریف پاڪستان کي دنيا ۾ اڪيلو ڪرڻ جي هر ڪوشش ۾ ناڪام رهيو آهي. مودي جي ناڪام پرڏيهي پاليسي دوست ملڪن کي ناراض ڪري ڇڏيو آهي ۽ سندس سفارتي اهميت ختم ڪري ڇڏي آهي.
رپورٽ ۾ چيو ويو آهي ته مودي حڪومت جي ان پاليسي جو هڪ اهم سبب هندو ازم ۽ صهيونزم جي وچ ۾ نظرياتي قربت هئي.
عالمي معاملن جي ماهرن موجب ايران ۽ آمريڪا طرفان امن ڳالهين ۾ پاڪستان جي ثالثي ڪردار کي تسليم ڪرڻ اسلام آباد جي وڌندڙ سفارتي اهميت جو مظهر آهي.
https://img.express.pk/media/videos/modi_failed_foreign_policy.mp4
