فيفا ورلڊ ڪپ 2026 جي سيڪيورٽي انتظامن تي سنگين سوال اٿاريا ويا آهن جڏهن ته ڪيترائي مداح بغير ٽڪيٽ جي اسٽيڊيم ۾ داخل ٿيا.
برطانوي ميڊيا رپورٽن موجب ڊيلاس ۾ انگلينڊ ۽ ڪروشيا وچ ۾ کيڏيل ميچ دوران ڪيترائي انگلش مداح بغير ٽڪيٽ جي اسٽيڊيم ۾ داخل ٿيا.
اکين ڏٺن شاهدن جو چوڻ آهي ته ڪيترائي ماڻهو ٽڪيٽون ڏيڻ ۽ سيڪيورٽي چيڪنگ کان پاسو ڪندي آساني سان اسٽيڊيم ۾ داخل ٿي ويا.
هڪ انگلش مداح جنهن وٽ باقاعده ٽڪيٽ هئي، ان صورتحال کي مضحکہ خیز قرار ڏيندي چيو ته ٽڪيٽ چيڪ ڪرڻ واري رڪاوٽن جي چوڌاري وڏا خال هئا جن ذريعي ماڻهو آساني سان داخل ٿي سگهن ٿا.
اکين ڏٺن شاهدن جو وڌيڪ چوڻ هو ته رضاڪارن ۾ اڪثر بزرگ عورتون هيون جن کي ڪير به نه روڪي رهيو هو. منهنجي ٽڪيٽ اسڪين ڪرائي وئي پر ڪنهن به منهنجو جهنڊو يا منهنجي هٿ ۾ ورلڊ ڪپ جي ٽرافي جي ريپليڪا کي به چيڪ نه ڪيو.
سندس چوڻ هو ته ڪجهه ماڻهو ٽڪيٽ اسڪين ڪرڻ کانسواءِ اندر داخل ٿيا، جڏهن ته ٻين رڪاوٽون ٽوڙي اندر داخل ٿيڻ جي ڪوشش ڪئي.
ياد رهي ته ان ميچ لاءِ سڪيورٽي جا سخت انتظام ڪرڻ جي دعويٰ ڪئي وئي هئي، جنهن ۾ اسٽيڊيم اندر ماهر اسنائپرز کي مقرر ڪيو ويو هو.
پوليس اهلڪارن جو اهو به چوڻ هو ته خاص تربيت يافته اهلڪار موجود هئا پر ان باوجود واقعو پريشاني جو سبب بڻجي ويو.
ٻئي طرف فيفا ترجمان جو چوڻ آهي ته في الحال کين ٽڪيٽ کانسواءِ ڪنهن جي داخل ٿيڻ جا ڪي به ثبوت نه مليا آهن، جڏهن ته پوليس ان حوالي سان لاعلمي ظاهر ڪئي آهي.
اهڙي صورتحال تي مهانگيون ٽڪيٽون خريد ڪندڙ مداحن ۾ سخت ڪاوڙ آهي.
