مذهبي معاملن واري وفاقي وزارت اعلان ڪيو آهي ته حج 2027ع جي رجسٽريشن سڀاڻي (22 جون) کان شروع ٿيندي، جنهن لاءِ ڪا به رجسٽريشن فيس نه هوندي.
مذهبي معاملن واري وزارت حج 2027ع جي رجسٽريشن جو باقاعده شيڊول جاري ڪري ڇڏيو آهي، رجسٽريشن کانپوءِ ئي سرڪاري يا پرائيويٽ حج اسڪيم جي چونڊ ممڪن ٿي سگهندي.
حڪومت حج 2027ع لاءِ اميدوارن کي وقت تي رجسٽريشن ڪرڻ جي هدايت ڪئي آهي.
مذهبي معاملن واري وزارت جو چوڻ آهي ته حج 2027ع جي رجسٽريشن مفت هوندي ان لاءِ ڪا به فيس نه ورتي ويندي، حج 2027ع جي رجسٽريشن پهرين اچو، پهرين خدمت جي بنياد تي ٿيندي.
حڪومت طرفان سرڪاري ۽ خانگي حج اسڪيمن لاءِ رجسٽريشن لازمي قرار ڏني وئي آهي، رجسٽريشن کانسواءِ حج 2027ع لاءِ درخواست جمع نه ٿي سگهندي.
حج 2027ع لاءِ صحيح پاسپورٽ لازمي قرار ڏنو ويو آهي ۽ پاسپورٽ جي صحيحيت گهٽ ۾ گهٽ 26 نومبر 2027 تائين هجڻ گهرجي.
رجسٽريشن جي حوالي سان ٻڌايو ويو آهي ته هڪ خاندان جا ميمبر گڏيل طور تي رجسٽريشن ڪرائي سگهندا، حج جي رجسٽريشن اوورسيز پاڪستانين لاءِ به دستياب هوندي ۽ حج رجسٽريشن سڄي ملڪ ۾ مقرر بينڪن مان ٿي سگهي ٿي.
وڌيڪ ٻڌايو ويو ته عازمين حج جي رجسٽريشن گهر تي ئي ڪري سگهندا.
واضح رهي ته گذريل ڏينهن وفاقي ڪابينا حج پاليسي جي منظوري ڏني هئي.
