انگلينڊ جو ڪپتان بين اسٽوڪس هڪ ڀيرو ٻيهر انگلينڊ ٽيسٽ ٽيم جي قيادت ڪندو، سندس ساٿي ڏوهن ۾ شامل گس ايٽڪنسن به ٽيم ۾ واپس اچي رهيو آهي.
تفصيل موجب انگلينڊ ڪرڪيٽ بورڊ ٻنهي رانديگرن طرفان ٽيم ڪرفيو ٽوڙڻ جي ڏوهه کي نظرانداز ڪري ڇڏيو.
هيڊ ڪوچ برينڊن ميڪولم تصديق ڪئي آهي ته اسٽوڪس نيوزيلينڊ خلاف ٽئين ٽيسٽ لاءِ ڪپتان طور واپسي ڪندو.
ان کان اڳ اسٽوڪس ۽ فاسٽ بالر گس ايٽڪنسن کي ٽيم جي نظم و ضبط جي مسئلن سبب ٻئي ٽيسٽ کان ٻاهر ڪيو ويو هو ۽ ٻنهي رانديگرن کي ڪائونٽي ڪرڪيٽ ميچن مان به عارضي طور تي واپس گهرايو ويو هو.
هاڻ ٻنهي رانديگرن جي ٽيم ۾ واپسي سان انگلينڊ فيصلي واري ٽيسٽ کان اڳ پنهنجي حڪمت عملي واضح ڪري ڇڏي آهي.
ڪوچ ميڪولم چيو ته اسٽوڪس جي واپسي سان ٽيم ۾ جوش ۽ اعتماد بحال ٿيندو.
نيوزيلينڊ سيريز جي ٽئين ۽ فيصلو ڪندڙ ٽيسٽ لاءِ اسڪواڊ جو اعلان بعد ۾ ڪيو ويندو ۽ اهو ٽرينٽ برج ۾ کيڏيو ويندو.
