آسٽريليا ٽئين ۽ آخري ٽي ٽوئنٽي ميچ ۾ بنگلاديش کي شڪست ڏئي ٽن ميچن جي سيريز 0-3 تان پنهنجي نالي ڪري ورتي.
جڏهن ته هن سيريز ۾ پرفارمنس کان وڌيڪ سيريز کٽڻ کانپوءِ آسٽريلوي رانديگرن جو منفرد جشن مداحن جي توجه جو مرڪز بڻجي ويو.
شير بنگلا نيشنل ڪرڪيٽ اسٽيڊيم ۾ ٽرافي وصول ڪرڻ کان پوءِ ٽم ڊيوڊ هڪ روشن سائي رنگ واري موٽر سائيڪل تي چڙهيو ۽ ٽيم جي ساٿي ميٽ رينشا سان گڏ ميدان جو چڪر لڳايو.
ٻنهي رانديگرن جي هن دلچسپ انداز اسٽيڊيم ۾ موجود تماشائن کي حيران ڪري ڇڏيو.
ٽم ڊيوڊ اڳ ۾ ئي پنهنجي منفرد ۽ غير معمولي پارٽي جي عادتن لاء مشهور آهي.
انڊين پريميئر ليگ ۾ رائل چيلنجرز بنگلورو جي نمائندگي ڪندي سندس دلچسپ جشن پڻ خاص ڌيان ڇڪايو آهي.
آسٽريليا سڄي سيريز ۾ شاندار ڪارڪردگي ڏيکاري، بنگلاديش کي هر ڊپارٽمينٽ ۾ شڪست ڏئي ڪلين سوئپ مڪمل ڪيو، جڏهن ته ٽم ڊيوڊ جي سائيڪل جشن سيريز جو يادگار لمحو بڻجي ويو.
