ڪراچي ميونسپل فيڪٽري باهه ڪيس ۾ سپريم ڪورٽ جي فيصلي بعد متحده قومي موومينٽ (ايم ڪيو ايم) پاڪستان جا ڪارڪن رحمان ڀولا ۽ زبير سينئر جيل مان آزاد ٿي ايم ڪيو ايم جي مرڪزي آفيس بهادر آباد پهچي ويا. بلديا فيڪٽري ڪيس ۾ سپريم ڪورٽ جي فيصلي کانپوءِ ايم ڪيو ايم پاڪستان جا ڪارڪن رحمان ڀولا ۽ زبير آزاد ٿيڻ کانپوءِ مرڪز بهادر آباد پهچي ويا، جتي ايم ڪيو ايم پاڪستان جي سينيئر اڳواڻ انيس قائم خاني سندن گهرڀاتين سميت سندن آجيان ڪئي. انيس احمد قائم خاني الله تعاليٰ جو شڪر ادا ڪندي چيو ته بلديه فيڪٽري ڪيس ۾ انصاف جي فراهمي کانپوءِ الله تعاليٰ نه رڳو ايم ڪيو ايم پاڪستان جي ڪارڪنن پر پوري مهاجر قوم کي پنهنجي رحمت جو ساٿ ڏنو آهي. هن چيو ته اسان ان ڪاميابي تي الله تعاليٰ جي حضور سجدو ڪريون ٿا ۽ حق جي هن فتح تي شڪر گذار آهيون. هن چيو ته ڏکين حالتن ۾ به ڪارڪنن ۽ انهن جي خاندانن صبر، استقامت ۽ حوصلي جو مظاهرو ڪيو ۽ اڄ پوري قوم حق جي اڳواڻ ٿيڻ تي الله تعاليٰ جي شڪرگذار آهي. ان موقعي تي بلديا ٽائون مان چونڊيل سنڌ اسيمبلي ميمبر فهيم پتني پڻ رحمان ڀولا ۽ زبير ميمڻ جو استقبال ڪيو ۽ خوشي جو اظهار ڪيو.
Source link
Leave a Comment Leave a Comment
