فيفا جي صدر گياني انفنٽينو تصديق ڪئي آهي ته آمريڪي صدر ڊونلڊ ٽرمپ 2026 فيفا ورلڊ ڪپ جي فائنل ۾ شرڪت ڪندو ۽ فاتح ٽيم کي ٽرافي پيش ڪندو.
تفصيل موجب فيفا ورلڊ ڪپ 2026 جو فائنل 19 جولاءِ تي نيو جرسي جي ميٽ لائف اسٽيڊيم ۾ کيڏيو ويندو.
جيتوڻيڪ ٽرمپ اڃا تائين ٽورنامينٽ جي ڪا به ميچ ڏسڻ لاءِ اسٽيڊيم نه پهتو آهي، فيفا جي صدر موجب هو فائنل ۾ موجود هوندو.
هڪ انٽرويو ۾ گياني انفنٽينو چيو ته هو ۽ ٽرمپ گڏجي فائنل کيڏندا ۽ فاتح ٽيم کي ٽرافي پيش ڪندا.
ورلڊ ڪپ 11 جون کان آمريڪا، ڪينيڊا ۽ ميڪسيڪو ۾ شروع ٿي رهيو آهي، جنهن ۾ ڪل 104 ميچون کيڏيون وينديون، جن مان 78 ميچن جي ميزباني آمريڪا ڪري رهيو آهي.
وائيٽ هائوس ورلڊ ڪپ ٽاسڪ فورس جي ايگزيڪيوٽو ڊائريڪٽر اينڊريو گيولياني موجب صدر ٽرمپ پنهنجي واعدن جي ڪري هن وقت تائين ڪنهن ميچ ۾ شرڪت نه ڪري سگهيو آهي پر هو راندين جي اهم مقابلن ۾ دلچسپي رکندو آهي.
ٽرمپ گذريل سال ڪلب ورلڊ ڪپ جي ٽرافي ورهائڻ دوران به ڌيان جو مرڪز بڻيو هو جڏهن هو ٽرافي پيش ڪرڻ کانپوءِ اسٽيج تي ويٺو هو، جنهن ڪجهه رانديگرن کي حيران ڪري ڇڏيو هو.
هاڻي فٽبال جي سڀ کان وڏي مقابلي جي فائنل ۾ سندس متوقع شرڪت هڪ ڀيرو ٻيهر عالمي ڌيان جو مرڪز بڻجي سگهي ٿي.
