اسپيشل اولمپڪس پاڪستان تحت نيشنل اسپيشل اولمپڪس گيمز 2026 جو ٻيو ۽ آخري مرحلو اڱاري کان شروع ٿي رهيو آهي. اسپيشل اولمپڪس پاڪستان جي چيئرپرسن رونق لاکاڻي موجب نيشنل اسپيشل گيمز منعقد ڪرائڻ جو مقصد اهو سمجهائڻ آهي ته خاص رانديگر پنهنجي صلاحيتن ۾ عام ماڻهن کان گهٽ ناهن، انهن جي صلاحيتن کي اجاگر ڪرڻ لاءِ عالمي سطح تي مقابلن ۾ شرڪت جا موقعا فراهم ڪيا پيا وڃن. پاڪستان اسپيشل اولمپڪس جي هاڪي ٽيم پهريون ڀيرو پيرا هاڪي ورلڊ ڪپ ۾ شرڪت ڪندي. ان کان پوءِ اهي تمام پراميد آهن ته چلي ۾ ٿيندڙ ورلڊ اسپيشل گيمز ۾ شرڪت ڪري پاڪستان کي چمڪائيندا. ياد رهي ته اسپيشل اولمپڪس پاڪستان جي تحت نيشنل اسپيشل گيمز جي پهرين مرحلي ۾ لاهور ۾ پاور لفٽنگ، ٽيبل ٽينس ۽ بيڊمنٽن ايونٽس ۾ سڄي ملڪ جي رانديگرن حصو وٺي پنهنجي صلاحيتن جو مظاهرو ڪيو. سوئمنگ ۾ پنجاب 13 گولڊ ميڊلن سان پهرين، سنڌ 8 گولڊ ميڊلز سان ٻئي ۽ فيڊرل ايريا 7 گولڊ ميڊلز سان ٽئين نمبر تي رهيو.
Source link
Leave a Comment Leave a Comment
