بالي ووڊ جي مشهور هدايتڪاره پريا درشن فلم ”هيراپيري 3“ جي ٺهڻ بابت وڏو انڪشاف ڪيو آهي.
پريا درشن فلم ’هراپيري 3‘ مان نڪرڻ جا سبب ٻڌائيندي چيو آهي ته قانوني تڪرار، ذاتي اختلاف ۽ پروڊيوسر فيروز ناڊياڊوالا جي رويي کيس پراجيڪٽ ڇڏڻ تي مجبور ڪيو.
هن جو چوڻ آهي ته موجوده صورتحال کي نظر ۾ رکندي هو نٿو سمجهي ته ’هيريفري 3‘ ڪڏهن وڏي اسڪرين تي ايندي.
هڪ انٽرويو ۾ پريا درشن دعويٰ ڪئي ته فيروز ناڊياڊوالا ڪيترن ئي موقعن تي سندس بي عزتي ڪئي ۽ اڪشي ڪمار کي اهو به چيو ته جيڪڏهن هو فلم ٺاهي ته ان کان سواءِ فلم ٺاهي.
هدايتڪار موجب اڪشي ڪمار، سنيل شيٽي ۽ پريش راول کيس فلم جي هدايتڪاري لاءِ قائل ڪيو ۽ ٽيئي اداڪار به ڪهاڻي ٻڌڻ کان پوءِ ڏاڍا پرجوش هئا.
هن وڌيڪ چيو ته فلم جي اعلان کان پوءِ کيس سيون آرٽس فلمز طرفان قانوني پيچيدگين بابت خبردار ڪيو ويو هو، جنهن کانپوءِ هن محسوس ڪيو ته ان منصوبي کي مڪمل ڪرڻ انتهائي مشڪل هوندو.
بهرحال، پريادرشن واضح ڪيو ته هن ۽ اڪشي ڪمار جو پروفيشنل تعلق مضبوط رهي ٿو.
ٻئي هڪ ڀيرو ٻيهر نئين ڪاميڊي فلم ۾ گڏ ڪم ڪري رهيا آهن جڏهن ته سندن گڏيل فلم ”هيوان“ هلندڙ سال 11 سيپٽمبر تي سينما گهرن جي زينت بڻجندي.
