مراکش فيفا ورلڊ ڪپ جي پري ڪوارٽر فائنل ۾ ڪئناڊا کي 0-3 تان شڪست ڏئي تاريخ رقم ڪئي ۽ هڪ کان وڌيڪ ڀيرا ورلڊ ڪپ جي ڪوارٽر فائنل تائين پهچندڙ پهرين آفريڪي ٽيم بڻجي وئي. هوسٽن ۾ کيڏيل پهرين پري ڪوارٽر فائنل ۾ عزالدين اوناهي شاندار راند جو مظاهرو ڪندي ٻه گول ڪري ٽيم جي فتح ۾ اهم ڪردار ادا ڪيو. ميچ جي پهرين هاف ۾ ٻئي ٽيمون گول ڪرڻ ۾ ناڪام رهيون. جڏهن ته 50هين منٽ ۾ اشرف حڪيمي جي فري ڪِڪ پاس تي اوناهي باڪس جي ٻاهران زوردار شاٽ ڏئي ٽيم کي برتري ڏياري. 82 هين منٽ ۾ اوناهي پنهنجو ۽ پنهنجي ٽيم جو ٻيو گول براهيم ڊياز جي هڪ پاس کان ڪيو، جڏهن ته ٽيون گول اضافي وقت جي آخري منٽ ۾ سفيان رحيمي ڪري مراکش جي فتح کي يقيني بڻائي ڇڏيو. ان ڪاميابي سان مراکش مسلسل ٻيو ڀيرو ورلڊ ڪپ جي ڪوارٽر فائنل ۾ پهچي ويو. ان کان اڳ 2022 ۾، مراکش سيمي فائنل تائين پهچڻ واري پهرين آفريڪي ٽيم پڻ بڻجي وئي. ڪوارٽر فائنل ۾ مراکش جو مقابلو پيراگوئي ۽ فرانس وچ ۾ ميچ جي فاتح ٽيم سان ٿيندو. ٻئي طرف ورلڊ ڪپ جي گڏيل ميزبان ڪئناڊا جو تاريخي سفر پڄاڻي تي پهتو آهي. ڪينيڊا ان کان اڳ ڏکڻ آفريڪا کي 0-1 تان شڪست ڏئي پري ڪوارٽر فائنل ۾ داخل ٿي، پنهنجي تاريخ ۾ پهريون ڀيرو ناڪ آئوٽ اسٽيج کٽي.
Source link
Leave a Comment Leave a Comment
