وزيراعظم جي صنعت ۽ پيداوار بابت خاص مددگار هارون اختر چيو آهي ته ننڍا ۽ وچولي ڪاروبار ملڪي معيشت جي ريڙهه جي هڏي جي حيثيت رکن ٿا، حڪومت ان جي فروغ لاءِ هر ممڪن قدم کڻي رهي آهي. وزيراعظم جي صنعت ۽ پيداوار بابت خاص مددگار هارون اختر خان اسلام آباد ۾ سمال اينڊ ميڊيم انٽرپرائزز ڊولپمينٽ اٿارٽي (سميڊا) جي نئين هيڊ آفيس جو افتتاح ڪيو ۽ تقريب کي خطاب ڪندي چيو ته وزيراعظم شهباز شريف جي هدايتن تي اسلام آباد ۾ پهريون ڀيرو سميڈا جي هيڊ آفيس قائم ۽ فعال ڪئي وئي آهي. هن چيو ته وزيراعظم جي ويزن موجب ننڍن، وچولي ۽ گهريلو ڪاروبار کي وڌيڪ موثر سهولتون فراهم ڪرڻ لاءِ اداري کي نوان مقصد ۽ ذميواريون ڏنيون ويون آهن. هارون اختر خان چيو ته ننڍا ۽ وچولي ڪاروبار ملڪي معيشت ۾ ريڙهه جي هڏي جي حيثيت رکن ٿا، جن جي بهتري لاءِ حڪومت هر ممڪن قدم کڻي رهي آهي. صنعت ۽ پيداوار بابت وزيراعظم جي خاص مددگار چيو ته ڪاروباري دوست ماحول، جديد ٽيڪنالاجي، تربيت ۽ مالي سهولتن تائين پهچ ذريعي سيڙپڪاري، مقامي پيداوار ۽ برآمدات ۾ اضافو ٿيندو. هن چيو ته نوجوانن ۽ عورتن جي صنعتڪارن جي حوصلا افزائي ڪرڻ حڪومت جي اقتصادي حڪمت عملي جو اهم حصو آهي، جڏهن ته ايس ايم ايز جي ترقي سان روزگار جا نوان موقعا پيدا ٿيندا، صنعتي ترقي کي هٿي ملندي ۽ ملڪ پائيدار معاشي استحڪام طرف گامزن ٿيندو. هارون اختر خان چيو ته حڪومت سڄي ملڪ ۾ صنعتڪارن کي هڪ ڇت هيٺ بهتر خدمتون فراهم ڪرڻ لاءِ سميدا کي مضبوط ڪري رهي آهي ڇاڪاڻ ته مضبوط ايس ايم ايز ئي مضبوط پاڪستان جي ضمانت آهن.
Source link
Leave a Comment Leave a Comment
