انساني حقن جي عالمي تنظيمن يورپي يونين کي شدت پسند طالبان حڪومت سان لاڳاپن بابت خبردار ڪيو آهي.
عالمي تنظيمون ۽ انساني حقن جون تنظيمون افغانستان تي قابض طالبان حڪومت جي سخت ۽ انتهاپسندي واري عمل تي احتجاج ڪري رهيون آهن. اهو ئي سبب آهي جو انساني حقن جي بدترين ڀڃڪڙين سبب ڪنهن به ملڪ افغان طالبان جي حڪومت کي سرڪاري طور تي تسليم نه ڪيو آهي.
هيومن رائٽس واچ يورپي يونين جي طالبان ڳالهين تي تنقيد ڪندي چيو آهي ته يورپي يونين افغان طالبان جي بدترين انساني حقن جي رڪارڊ باوجود حڪومت سان ڳالهيون ڪيون. افغان طالبان جي حڪومت ميڊيا جي آزادي کسي ورتي آهي ۽ مخالفن ۽ انساني حقن جي ڪارڪنن کي گرفتار ڪيو آهي.
تنظيم موجب طالبان عورتن جي ثانوي ۽ اعليٰ تعليم تي پابندي لڳائي ڇڏي آهي، جڏهن ته روزگار ۽ نقل و حمل تي به سخت پابندي لڳائي وئي آهي. يورپي يونين پاران طالبان جي انساني حقن جي ڀڃڪڙين جي مذمت ۽ عملي رابطن جي وچ ۾ تضاد اهم آهي.
گڏيل قومن ۾ ڊينمارڪ جي مستقل نمائندي ڪرسٽينا مارڪس لاسن به طالبان جي حڪومت تي تنقيد ڪندي چيو آهي ته افغانستان جي عورتن ۽ ڇوڪرين کي عوامي زندگي کان ٻاهر رکيو ويو آهي ۽ انهن جي آواز کي دٻايو ويو آهي.
عالمي تنظيمن جي تنقيد اهو واضح ڪري ڇڏيو آهي ته انساني حقن جون تنظيمون هاڻي طالبان جي قبضي واري حڪومت سان ڪنهن به قسم جي سمجهوتي لاءِ تيار نه آهن.
