آمريڪي صدر ڊونلڊ ٽرمپ هڪ ڀيرو ٻيهر ايران کي سخت وارننگ ڏيندي چيو آهي ته جيڪڏهن ايران آمريڪا يا ان جي مفادن تي حملو ڪيو ته هر حملي جو 20 ڀيرا وڌيڪ طاقت سان جواب ڏنو ويندو. ايئر فورس ون تي صحافين سان ڳالهائيندي ڊونلڊ ٽرمپ دعويٰ ڪئي ته آمريڪا ايران خلاف اڳ ئي فوجي ڪاميابيون حاصل ڪري چڪو آهي. هن چيو ته ايران وٽ هن وقت تمام گهٽ وسيلا آهن ۽ هو ڊيل ڪرڻ جو خواهشمند آهي پر مان نٿو سمجهان ته هو ڊيل تي قائم رهندو. جڏهن ٽرمپ کان پڇيو ويو ته هن تجارتي جهازن کي نشانو ڇو بڻايو جيڪڏهن ايران ڊيل ڪرڻ چاهي ٿو ته ٽرمپ چيو ته ”سچ پڇي ته اهي ٿورڙا غير متوازن آهن، شيون سندن ڪنٽرول کان ٻاهر لڳي رهيون آهن پر هو ضرور ڊيل ڪرڻ چاهين ٿا“. آمريڪي صدر وڌيڪ چيو ته اسان کيس سخت جواب ڏنو آهي. هاڻي جيڪڏهن اهي هر ڀيري اسان تي حملو ڪندا ته اسان 20 ڀيرا وڌيڪ طاقت سان جواب ڏينداسين. جڏهن پڇيو ويو ته ڇا آمريڪا هڪ ڀيرو ٻيهر ايران ۾ مڪمل فوجي تڪرار جي طرف وڃي رهيو آهي، ٽرمپ چيو ته ”مان ان بابت ڪجهه نٿو چئي سگهان، اسان وٽ ڪاميابي جا ڪيترائي طريقا آهن، پر فوجي طور تي اسان اڳ ۾ ئي ڪامياب ٿي چڪا آهيون.
Source link
Leave a Comment Leave a Comment
