پاڪستان ايم ايم اي مقابلي واري سيريز: مريم اورنگزيب جي پٽ مخالف کي ناڪ آئوٽ ڪري ڇڏيو

پاڪستان ايم ايم اي ڪنٽينڊر سيريز ۾ مختلف وزنن جي ڪيٽيگريز جا دلچسپ مقابلا جاري رهيا جتي نوجوان رانديگرن شاندار ڪارڪردگي جو مظاهرو ڪندي ڪاميابي حاصل ڪئي. 56.7 ڪلوگرام ڪيٽيگري جي ٻي فائٽ ۾ محب الله سٺي ڪارڪردگي ڏيکاري ۽ معيزاتي کي شڪست ڏني. 54 ڪلوگرام جي ڪيٽيگري ۾ شايان ۽ نذر جي وچ ۾ سخت مقابلو ٿيو جتي شيان فائنل رائونڊ ۾ فيصلي واري برتري حاصل ڪري ورتي. 48 ڪلوگرام في ميل ڪيٽيگري ۾ سارا خان ٽن رائونڊن جي مقابلي کانپوءِ نور فاطمه کي شڪست ڏني. 52 ڪلوگرام جي ڪيٽيگري ۾ صوبائي وزير مريم اورنگزيب جي پٽ اورنگزيب شاندار ڪارڪردگي جو مظاهرو ڪندي مخالف فيضان کي ناڪ آئوٽ ڪري ڇڏيو. فتح کانپوءِ ڳالهائيندي اورنگزيب چيو ته هن اها ويڙهه پنهنجي تياري ۽ اعتماد کي وڌائڻ لاءِ وڙهي، جڏهن ته اصل مقصد عالمي سطح تي ڪاميابي حاصل ڪري پاڪستان جو نالو روشن ڪرڻ آهي. هن چيو ته سندس والده مريم اورنگزيب هميشه سندس همت افزائي ڪئي ۽ ايم ايم اي ۾ ڪيريئر ٺاهڻ جي فيصلي ۾ سندس ساٿ ڏنو. اورنگزيب چيو ته هو دنيا جي مشهور فائٽر حبيب وانگر ڪامياب فائٽر بڻجڻ جو خواهشمند آهي ۽ ان مقصد لاءِ هو روزانو چار کان پنج ڪلاڪ سخت ٽريننگ ڪندو آهي. ان موقعي تي پاڪستان ايم ايم اي فيڊريشن جي صدر عمر احمد چيو ته گذريل ٻن ٽن سالن کان پاڪستان اوپن رينڪنگ چيمپيئن شپ باقائدگي سان منعقد ڪئي پئي وڃي ته جيئن سڄي ملڪ جي باصلاحيت رانديگرن کي پنهنجون صلاحيتون ڏيکارڻ جو موقعو ملي سگهي. هن چيو ته فيڊريشن جو مقصد پاڪستان جي عالمي رينڪنگ کي بهتر بڻائڻ ۽ نوجوان رانديگرن کي عالمي چيمپئن شپ لاءِ تيار ڪرڻ آهي. هن چيو ته رينڪنگ مقابلن ۾ ڪامياب ٿيندڙ رانديگرن کي وڌيڪ تربيت ڏني ويندي آهي ته جيئن هو عالمي ايونٽس ۾ حصو وٺي سگهن، جڏهن ته وفاق عالمي معيارن موجب سمورن بنيادي ضرورتن کي نظر ۾ رکندي مقابلا منعقد ڪري رهيو آهي.



Source link